محكمة الأسرة اليوم 2020| ربة منزل في دعواها: ”بيضربي ويصورني وينزلها على النت”

"بيضربني ويصورني وينزلها على فيس بوك".. بهذه الكلمات تقدمت ربة منزل بدعوى خلع ضد زوجها أمام محكمة الأسرة بالتجمع الخامس.

وقالت الزوجة فى دعواها: "جوازنا كان تقليدي جدا، اتجوزته وهو أكبر مني بـ٢٠ سنة، والسبب إني بصيت أنا وأهلي للفلوس، كان مطلق ووحيد أمه وأبوه، وعنده عربية وشقة جاهزة من كل حاجة، عشان أعيش بعد كده معاناة بسبب جنونه ومرضه ".

وأضافت الزوجة فى دعواها أمام محكمة الأسرة بالتجمع الخامس: "عشت فى بيت جوزي سنتين، محبوسة بين ٤ حيطان، اتحرمت من اهلي، وعايشة خدامة لأهله ومفيش كلمة لينا فى البيت، سابني لأهله يتحكموا فيا، وعايشة فى ذل وإهانة بسببهم وبسبب جوزي".

وتابعت الزوجة فى دعواها أمام محكمة الأسرة بالتجمع الخامس: "صبرت كتير على أفعاله، وممرش على جوازي غير شهر واحد بس، فمبقتش عارفة أطلب الطلاق، وخصوصا بعد مارفضت والدتي طلاقي، وقالتلي الناس مبترحمش".

وواصلت الزوجة فى دعواها أمام محكمة الأسرة بالتجمع الخامس: "جوزي اتعود يضربني كل يوم، ويسجل فيديوهات وهو بيضربني، عشان يكسرني ويثبت رجولته".

واستطردت الزوجة فى دعواها أمام محكمة الأسرة بالتجمع الخامس: "مش عارفة استحمل تاني تهديداته، وتعبت منه، ومفيش قدامي غير محكمة الأسرة تفرق بيني وبينه، أنا مش عارفة أعيش معاه".

ونص قانون الأحوال الشخصية أنه يجوز التطليق للضرر فى حالة وقوعه على الزوجة من طرف الزوج، ولا يشترط فى هذا الضرر أن يكون متكررا من الزوج بل يكفى أن يقع الضرر من الزوج ولو مرة واحدة، حتى يكون من حق الزوجة طلب التطليق، كما أن التطليق للضرر شرع فى حالات الشقاق لسوء المعاشرة والهجر وما إلى ذلك من كل ما يكون للزوج دخل فيه.