بعد انفصاله عن أورتيجا.. ”هأأو” جديد أوكا على يوتيوب (فيديو)
بعد أيام قليلة من إعلان أوكا وأورتيجا انفصالهما، طرح مطرب المهرجانات أوكا أغنية جديدة تحمل اسم "هأأو"، من كلمات ايسو ومن توزيع أوكا، وهى من نوعية أغاني المهرجانات وشارك في تقديمها "هيصة".
وكان أورتيجا، أعلن انفصاله عن صديقه أوكا بعد 10 سنوات من تعاونهما في عدد كبير من المهرجانات، وحققا شهرة كبير خلال السنوات الماضية، وأصبحا مشهورين بأوكا وأورتيجا.
ونشر أورتيجا عبر حسابها الخاص بموقع"إنستجرام"، يوم الأحد الماضي، فيديو ظهر فيه ليوضح لجمهوره حقيقة خلافه مع أوكا، بعدما تلقى أسئلة كثيرة من جمهورهما عن جود خلافات بينهما هي سبب الانفصال.
وأوضح أنه لا يوجد أية خلافات بينهما، لكنهما انفصلا بالفعل، حيث قال خلال الفيديو: "بخصوص "أوكا وأورتيجا" علشان كل الناس اللي تبعت وتسأل أنتم ليه مبقتوش مع بعض أنتوا متخانقين؟، طبعا مفيش أي حاجة من الكلام ده مش عارف أرد أقولكم إيه كل واحد بيسمع حاجة من برا بيجي يقولها، أنا هوضحلكم الصورة".
وأضاف: "أوكا أخويا وعشرة حياتي وصديق كفاح وشفنا كل حاجة حلوة ووحشة مع بعض فمش هنيجي على آخر الزمن بعد ما نكبر، ونتخانق ونمسك في بعض زي ما الناس بتقول".
وواصل: "كل القصة إن أوكا بقى لوحده وأورتيجا بقى لوحده وأنا بتمناله كل التوفيق في حياته وفي شغله ويبقى أحسن حد في الدنيا وبتمنى لنفسي أنا كمان ربنا يرزقنا احنا الاتنين ويوفقنا".
اقرأ أيضًا: من صورة فاضحة للحجاب وترتيل القرآن.. الفنانة حنان رضا تخصص إثارة للجدل (فيديو)
وانهى: "أوكا وأورتيجا اسمهم مرتبط ببعض مش علشان شغل علشان إحنا من قبل الشغل في حاجات كتير أوي مع بعض، بتمناله وبتمنالي التوفيق وربنا يرزقنا إحنا الاتنين، وياريت يكون الخبر ميزعلش حد، هو الموضوع باين بس أنتوا بتقولوا كلام غلط".
