مي حلمي تخرج عن صمتها: ”الواحد يتجوز ولا يطلق انتو مالكوا” (فيديو)

خرجت الإعلامية مي حلمي عن صمتها، وقررت أن ترد على المتطفلين والذين يشهروا بها بسبب انتشار أخبار إانفصالها عن المطرب محمد رشاد.

وظهرت مي حلمي في فيديو بثته لجمهورها عبر الاستوري الخاصة بها على صفحتها الشخصية بموقع تبادل الصور والفيديوهات الشهير إنستجرام.

وقالت مى: "انتوا ميتقالكمش غير كلمة وبعدين، كل القرف اللى فى الدنيا، الواحد يتجوز يطلق، انتوا مالكوا، انتوا حاشرين نفسكم فى تفاصيل حياتى اكتر منى".

اقرأ أيضًا: بعد انفصالهما.. رسالة نارية من مي حلمي وأول تعليق لمحمد رشاد

وأضافت: "انتوا حلكم أن حياتى متبانش ليكم، أنا كنت مقررة، أن حياتى متبانش ليكم، مع التطفل دا، وعزة وجلال الله، كل سكرين شوت لقلة الأدب، فى حاجات اسمها قضايا تشهير، أنا اتعلمت، كلام السوشيال ميديا بيتم فيه ايه وبيحصل في ايه، دا العادي، قولوا اللي عندكم".

وأعربت عن أستيائها قائلة: "اللى مزعلنى فى اللي حصل دا حاجة واحدة بس، موضوع فستان الفرح بتاع البنات، خلاص مانا عندي 4 غيره اتبرع بالأربعة لأربعة تانيين دا بس مزعلنى عشان فرحة البنات، لكن أي حاجة تانية بعرف اتعامل معاها عشان دي مش أول مرة، وانا مش مضطرة ابرر حاجة، بس المرة دي مش هسكت، لو ليا مزاج اقول حاجة هقولها، وارتاحوا لما يجيلى الوقت انى اعرف حد حاجة عنى بمزاجى هعرفه".

وتابعت: "الاستورى دي أنا عاملاها عشان انتو اللى مهتمين تعرفوا حياتنا أكتر مننا، وتعرفوا كل التفاصيل اكتر منى أنا شخصيا، انتوا مالكم، بقولكم زودوا عدد الفولورز عندي اشكركم، الناس اللي عايزه تتطمن عليا على عينى وعلى راسى، قلة الأدب اللى بتكتبوها دي بناء على ايه، عايزين تطلعوا تريند على أى حاجة".