مفاجأة غريبة غيّرت حياة بائع الفريسكا.. وجملة أبكت والده (فيديو)

كشف والد الطالب إبراهيم عبد الناصر المعروف بـ"طالب الفريسكا" عن مفاجأة غريبة غيّرت حياة ابنه بشكل كامل.

 

وقال عبد الناصر خلال استضافته ببرنامج "90 دقيقة" على شاشة "المحور"، اليوم الخميس: "إبراهيم كان في أجازة بيعمل الرغبات وكان عاوز ياخد كورسات إنجليزي وألماني وإيطالي قولتله تعالى اشتغل معايا الأسبوع ده.. اليوم اللي نزل فيه الدكتور حاتم صوره".

 

وأضاف: "إبراهيم في سنة تالتة ذاكر فيها سنة وشهرين.. أول ما خلص امتحانات تانية ثانوي بأسبوع قالي هابدأ حجز الدروس من دلوقتي، وأنا وعدته أوفر له كل حاجة".

 

وتابع: "إبراهيم اشتغل مكنش يطلع من الغرفة إلا لوقت قليل.. كان مركز في المذاكرة طول الوقت.. لو خرج عن تركيزه كان بيتعصب جدًا".

 

وتحدّث عن الفيديو الشهير قائلًا: "كنا شغالين في اليوم ده، والساعة 10 لقينا البحر كله بيطلب إبراهيم عبد الناصر قولنا فيه إيه.. قالولنا الفيديو عامل ضجة في الإعلام".

 

وأوضح: "لما اتفرجت على الفيديو انهارت من البكاء.. كلمة علشان أفرح أبويا أثّرت فيا.. حسيت إن ابني بيكبرني.. أنا أسعد إنسان في الدنيا حاليًّا".