«بيعمل حاجات فاضحة».. تفاصيل دعوى خلع أقامتها ”سمر” بعد 5 شهور زواج بمصر الجديدة

  "كان بيفضحني على مواقع التواصل الاجتماعي"، بهذه الكلمات بدأت "سمر.ع"، حكايتها أمام محكمة الأسرة بمصر الجديدة، بعدما رفعت دعوى خلع ضد زوجها "حاتم.ج"، حيث أكدت أنها ظلت 5 أشهر تتعرض لأفعال فاضحة من زوجها الذي طالما حلمت بأن تكون زوجة له بعد قصة ارتباطهما.

وأوضحت الزوجة: "كان بيعمل معايا اللي هو عايزه وبصراحة كنت بستمتع أنا وهو بس المشكلة إن كل تفاصيل حياتنا الدنيا كلها كانت بتعرفها، بسبب إنه كان بينشر التفاصيل على مواقع التواصل الاجتماعي، وأنا أقوله عيب اللي انت بتعمله ده يا حبيبي أنا عايزة أعيش معاك براحتي، بس هو كان بيعمل كل ده وبيقولي انتي أصلا متخلفة".

واستطردت "سمر.ع": "أنا مستحيل أعيش معاه وهو بيفضحني على مواقع التواصل الاجتماعي، ده ممكن ينشر تفاصيل العلاقة الحميمة للناس".

وأكدت: "أنا مكنتش متوقعة إني بعد ما ارتبطت بالرجل اللي كان قبل الجواز احسن واحد ممكن اقابله في حياتي، إن حياتي هتنتهي بالكارثة دي، أنا أول مرة في حياتي أدخل محكمة عشان أقف قدام قاضي واحكيله تفاصيل يعف اللسان عن ذكرها".

وتابعت: "مكنتش اعرف انه مستهتر اوي للدرجة دي، ده كان بعد ما يرجع من الشغل، يفضل يتصفح مواقع التواصل الاجتماعي ولا يتركها إلا وهو مفشيًا أسرار بيتنا وحياتنا، والمصيبة الأكبر إنه كان ممكن يعرض صور خاصة ليا مع هذه التفاصيل التي ينشرها عن حياتنا".

واختتمت "سمر.ع": "رغم إني عرضت عليه إني التنازل عن كل شيء إلا أنه رفض وطردني من المنزل، حيث كانت المدة التي قضيتها معه تمثل جحيمًا ظللت أعيشه حتى وقفت أمام محكمة الأسرة لأعرض عليها مصيبتي وأطلب منها قبول دعوى الخلع".

اقرأ أيضًا: ”أحضان وملامسة مناطق حساسة”.. تفاصيل جديدة حول المدرب المتحرش بالفتيات