”أحضان وملامسة مناطق حساسة”.. تفاصيل جديدة حول المدرب المتحرش بالفتيات
كشفت تحقيقات النيابة الأولية، اليوم الأحد 11 أكتوبر 2020، فى واقعة إحالة مدرب اسكواش بأحد النوادي الرياضية الشهيرة بمصرالجديدة إلى محكمة الجنايات، لهتكه عرض ثلاثة فتيات بالتهديد والقوة، بمباغتتهن وملامسة مناطق حساسة وهن لم يبلغن 18 عامًا
أقوال الضحية
أكدت طالبة بالصف الثالث الثانوي العام أن المدرب المتهم تحرش بها أكثر من مرة خلال التمرينات.
وأضافت الضحية أثناء سماع أقوالها أمام جهات التحقيق، أن المدرب المتهم اتصل ببوالدتها بسبب قرب ميعاد البطولة، ويبلغها بوجود مركز للألعاب الرياضية في مجمع شهير، وموعده الساعة 8:30.
وأضافت الضحية: "حينما وصلت عرفت أنهم بدأوا بدري، واقتربوا من الانتهاء وفعلا لعبت الجيم، ولما خلصت لقيته بيقولي أستناه علشان البطولة قربت وعايز يتكلم معايا برضه.. ماما كانت مستنياني في العربية، وكنت همشي مع الناس اللي كنت بلعب معاها لقيته قرصني جامد، وقالي إنه عايزني وأول ما الناس مشیت قام شددني من شعري ووقعني على الأرض وفضل يضربني على الأرض".
وأشارت إلى أن المدرب قام بکتم نفسي وتحرش بى في مناطق حساسة بجسمي، ونزع عني التيشيرت وعورني فى جسمي وهددني زي كل مرة، وأبلغني أنه هيفضحني لو اتكلمت وقولت أى حاجة.. هيسوء سمعتي فى كل حته، وأنا مشيت زي كل مرة وكنت واخدة القرار أني مروحش تاني خالص عنده".
وتابعت: "كنت في نادي شهير بمصر الجديدة علشان العب جيم مع واحدة من الفريق بتاعي، ووالدتي كانت معايا، وأثناء الجيم كان بيقولي أني بلعب وحش جدًا وأني متوترة ومن كتر الخوف اللي هو سببهولي أنا خسرت الجيم واتخانقت مع ماما وسبت الملعب وراحت استنتي في العربية والكلام ده كان حوالي الساعة 11 بليل وهو ساعتها طلب مني أن أغير هدومي علشان مبردش".
وأكملت الطفلة الضحية أثناء سماع أقوالها، "لما جيت أروح الحمام علشان أغير لبسي قالي أنه مقفول وأصر أنه مقفول وأني أروح أغير في أوضة بجوار الملعب بيحطوا فيها الكراكيب، وأنا صدقته وفعلا روحت ودخلت الأوضة وحطيت الكراكيب ورا الباب لأني كنت حاسة أن في حاجة غلط هتحصل ليا، ولبست التيشرتات فوق بعض وطلعت علطول، ولما طلعت طلب مني أعمل (تمارين) علشان متمزقش، ولما قعدت على الأرض علشان أعمل الاسترتشات جه قعد ورايا، وفجأة لقيته مسكني فأنا اتخضيت وتحرش بى وزقيت إيده وجريت في الملعب، ولكنه لم يتركني وطاردنى وشدني وفضل يضحك ويقولي انا معملتش حاجة ولوى إيدي وهددني بالفضيحة".
اقرأ أيضًا: ”فصلوا رأسها عن جسدها”.. أمن سوهاج يكشف لغز الجريمة البشعة
ونوهت "قالى كمان لو قلت لمامتك مش هيحصلك كويس، وأن مامتك مش هتنفعك وأنها لو عرفت هتضربك لأنها بتثق فيا، وشتمني وقالي أنه محدش هيصدقنى علشان هو سمعته كويسة ومرة واحدة وهو بيتكلم لقيته شدني جامد وحضني فقمت دفعاه ورحت العربية لماما ومشينا".
واختتمت قائلة: "کنت خايفة جدا أني أتكلم في اللي حصل بسبب تهديده ليا، وانقطعت عن التمرين فترة كبيرة وكنت يتحجج أني مصابة و تعبانة".
النيابة العامة
وكانت قد تلقت النيابة العامة في وقت سابق كتابًا من المجلس القومي للمرأة يتضمن إبلاغ الفتيات الثلاث، عن هتك المدرب المذكور عرضهن والتحرش بهن بأماكن مختلفة، وشهدن بتحقيقات النيابة العامة بما ارتكبه المتهم قبلهن من أفعال، وأنه تعدى على إحداهن بالضرب، وكمم فاهها للحيلولة دون مقاومتها أثناء تعديه عليها، وهددها بالتشهير بها إذا ما أخبرت ذويها بما فعل، فامتثلت لتهديده، وأنهن آثرن عدم الإبلاغ عنه خجلا مما تعرضن له في أول الأمر، ثم قدمن ببلاغهن لاحقًا بعد أن ذاع أمره بمواقع التواصل الاجتماعي" فيسبوك وتويتر والانستجرام".
