رانيا يوسف: بنتي اتعرضت للتحرش قدامي وبقى بيجيلى كوابيس (فيديو)
قالت النجمة رانيا يوسف، إنها تعرضت للتحرش هي وابنتها الكبرى منذ فترة قصيرة، ما سبب لها مشاكل نفسية.
أضافت يوسف، خلال حوارها مع الإعلامية إيمان الحصري، مقدمة برنامج "مساء DMC" عبر قناة Dmc، "لما حصلي كده اتوجعت أوي وبقى بيجيلى كوابيس، وبقى يحصلي مشكلة في الأماكن الزحمة، ومع الناس اللي معرفهاش وابقى مخضوضة منها، وده على نفسيتي أوي".
اقرأ أيضا| رانيا يوسف: كان نفسي أبقى ماما.. والحيوانات بتحبني
تابعت: "اللي أثر على نفسيتي أكتر إن بنتي كانت معايا في الموقف ده واتعرضت قدامي لما تعرضت له، فحسيت بالذنب إني معرفتش أحميها، ولازم إحنا كستات نقف مع بعض وكله يتكلم ويقول وميخفش، المتحرش جبان لأنه بيعمل حاجة في السر، عشان كده الحل إننا نفضح المتحرش عشان يبطل ويراجع نفسه، وعشان كده بدأت أنزل صور المتحرشين".
ومن جانب آخر، انتهت رانيا يوسف من تصوير مشاهدها في مسلسل "شارع 9"، بمشاركة النجوم: أحمد وفيق، ومحمود عبدالمغني، ونرمين الفقي، وإيمان العاصي، وهدى الأتربي، والمخرج محمد عبدالخالق، والسيناريست حسين مصطفى محرم.
