خالد أنور عن بداياته: جبت مجموع ضعيف في ثانوي.. والتمثيل كان بيكسر لي الملل
تحدث الفنان خالد أنور، عن بداياته الفنية مشيرًا أن نشاطة الفني كان في مسرح المدرسة السعيدية بالجيزة، لافتًا أنه كان من الأوائل في الدراسة قبل عشقه للمسرح ولكنه حصل على مجموع ضعيف جدا في الثانوية العامة بسبب اهتمامه الكبير بالمسرح وكتب المسرح وإهماله للكتب المدرسية.
وقال "أنور"، خلال لقائه مع الفنانة إسعاد يونس في برنامج "صاحبة السعادة"، المذاع عبر فضائية "dmc"، إنه التمثيل لم يكن هدفه مطلقا، بل كان يهدف للالتحاق بكلية الهندسة، قبل أن يعرضوا على الطلاب الاشتراك في النشاط الفني والمسرحي واشترك في مسرح المدرسة.
وأضاف: "دخلت المسرح من هنا حسيت أن ده اللي أنا عايز أعمله وهو ده المكان اللي عايز ابقى موجود فيه"، معتبرًا أن التمثيل بالنسبة له كان كسرًا للملل الذي يعيشه نظرًا لأنه كان يقدم شخصيات مختلفة: "حبيت الموضوع من غير ما أعرف ليه أنا حبيته وحبيت المسرح والتمثيل جدا وكملت وسيبت المذاكرة ومبقتش بذاكر خالص".
وأوضح أن أول فيلم شارك فيه كان "الجيل الرابع" مع المخرج أحمد نادر، لافتًا أنه التحق بمعهد الفنون المسرحية بعد الثانوية العامة، وأنه كان يُعرض عليه المشاركة في الاعلانات وكان يرفض "مكنتش عايز اعمل اعلانات وكنت حابب أمثل الأول وبعدين قالوا لي اعلان من اللي هيتعرضوا في رمضان وهيضربوا وكلموني قالوا لي المخرج هيقعد معاك انت وواحد كمان وهيختار منكم واحد ولما روحت الشركة لقيت كمية شباب مش أقل من 400 واحد في سني والدنيا زحمة جدا ودخلنا عملنا تيست الإعلان والمخرج اختارني والكاستينج لما شافني بمثل الاعلان قالي تعالى اعمل تيست لفيلم جديد وتعالى مثل فيه ودخلت عملت تسيت مع المخرج المنفذ شريف اسماعيل".
وأردف: "بعدها بشهر كلمني المخرج المنفذ وطلب منى اني أروح الشركة المنتجة وروحت فعلا وعملت تيست مع المخرج أحمد نادر جلال ومشيت وكلموني بعد شهر قالوا لي المخرج عايز يقابلك وروحت له فعلا اداني ورق الفيلم وقالي ادخل اوضة اقراء الفيلم براحتك وركز على شخصية ياسر الجوب".
وتابع: "دخلت الأوضة وقريت الفيلم وكان دور حلو جدا ومثلت مشهد مع المخرج أحمد نادر جلال وقالي خد الاسكريبت وروح ولقيت نفسي بعمل فيلم بطولة مع المخرج أحمد نادر جلال
