«سابني وجري لما لاقى ناس بتتحرش بيا».. تفاصيل دعوى خلع هبة من زوجها أمام محكمة مصر الجديدة
«كنت راجل وهو خيال مآتة».. بهذه الكلمات شرحت هبة أسباب إقامتها دعوى الخلع ضد زوجها أمام محكمة مصر الجديدة، حيث أكدت أنها اكتشفت بعد قضاء شهرين من الزواج الذي ليس له أي قيمة غير أنها أصبحت رجل تحمل مسؤولية زوج ليس لديه شخصية على الإطلاق.
وأوضحت هبة: " لما كان يجي يزورنا حد من أقاربه الرجالة يقعدني معاهم وهو يعمل أي حاجة في البيت، ولو في مشكلة أنا اللي أقعد أحلها من الرجالة، لدرجة إني حسيت إني فعلًا أخذت مكانه كرجل".
وأضافت: "اتجوزني عشان مرتبي الكبير وعشان بقدر أحل المشاكل، لكن هوه خيال مآتة عايش معايا في البيت، حتى أصحابه كانوا يستغلون طيبته في الاستيلاء على ماله".
واستطردت: "ذات ليلة قال لي تعالي نخرج نتفسح يا حبيبتي في الحقيقة أنا فرحت وقولت ده حاله اتعدل، ركبنا سيارته وفي أشخاص اتعرضولنا واحنا ماشيين وكانوا بيتحرشوا بيا، نزل جري وسابلي السيارة ساعتها قلت "الحال المايل عمره ما يتعدل أبدًا".
وأكملت: "أبويا واخواتي عاتبوه انه ازاي يعمل كده ويهرب ويسيبني أروح المستشفى، وكان رده إنه بيخاف من المشاكل".
واختتمت: "كل حاجة كانت في إيد أمه هي اللي ممشية البيت في المصاريف وكل حاجة، ولكن قاعدة الرجالة أنا اللي كنت بمشيها، في النهاية طلبت منه الطلاق ولكنه رفض وبدد منقولاتي، وحرر محضر ضدى بسرقتها حتى ينتقم مني، لتتحول حياتى لجحيم، بعد أن قرر الضغط على للرجوع إلى منزلى، بين دعاوى طاعة ونشوز".
اقرأ أيضا: مبروك كسبت نص مليون جنيه.. تفاصيل القبض على عصابة النقد الإلكتروني
