حمو بيكا لـ هاني مهنا: ”بتستعر مني ليه هو أنا بيئة؟” (فيديو)
أعرب مطرب المهرجانات حمو بيكا، عن حزنه الشديد من التصريحات التي أدلى بها الموسيقار هاني مهنا لاستيائه من حضوره حفل زفاف ابنته من الفنان أحمد خالد صالح، الذي أقيم الجمعة بأحد فنادق القاهرة.
وخلال بث مباشر عبر حسابه الخاص بموقع التواصل الاجتماعي فيسبوك، قال: "في البداية أنا بعتذر للفنان هاني شاكر وأعضاء مجلس النقابة، وأنا مش عامل الفيديو عشان كدة".
أضاف: "أنا صحيت لقيت ناس كتير متصلة عليا، وعرفت أن الفنان هاني مهنا قال أنا معرفش حمو بيكا وماعزمتهوش في الفرح، لكن بنت حضرتك اللي كلمت عمر كمال وقالت له نفسي أنت وشاكوش وبيكا تحضروا فرحي، ولبينا الدعوة لأن بنت حضرتك قدرتنا وعزمتنا".
وأضاف بيكا قائلا : إحنا ما بنروحش فرح إلا لما نتعزم وجينا عشان نفرح بنتك، وأنا عارف إن الكلام كله عليا أنا، أنا مش عارف اقولكوا ايه هو أنا بيئة؟.. أنا ابن ناس محترمة ولو ليا ضهر ما مكنتش تتكلم عليا، بس انا معايا ربنا اللي أقوى من أي حد".
واصل بيكا حديثه قائلًا: "أستاذ هاني مهنا إنت أبونا الكبير ليك الاحترام والتقدرير، أنا مش زعلان منك بس ليه كلكوا بتيجوا عليا؟ وشايفني حاجة وحشة، وبطريقتكوا دي ممكن تخلوني مجرم، ايه سبب هجمكوا على شاب لسة طالع على الدنيا؟، متعرفش إنك ممكن تخليني بني آدم وحش وممكن برضه تقف جمبي وتخليني إنسان حلو، ليه شايفني وحش وبلضجى وصغير؟".
واستمكل موجهًا حديثه لهاني مهنا: "اللي انت بتستعر منه ده ابن حواء وآدم، كلنا اخوات وموحدين بالله".
وتطرق بيكا في بثه المباشر إلى أنه عريس جديد ولم يكمل شهره الثاني وينتظر مولود قائلًا: "يرضيكم اتحبس سنتين وابنى يتولد وأنا في الحبس أنا عارف أن هاني شاكر قلبه كبير ومش هيرضي لأنث وكنت بدافع عن أكل عيشي ولا كسرت ولا عملت حاجة".
اقرأ أيضًا: :طفلة ”ما وراء الطبيعة”: ”مش عارفة الناس بتخاف مني ليه” (فيديو)
يذكر أن نقابة المهن الموسيقية أصدرت بيانا صحفيا أمس تستنكر فيه استعانة الموسيقار هاني مهني بمؤدي المهرجانات حمو بيكا في فرح نجلته الفنانة هنادي مهني علي الفنان أحمد خالد صالح.
وأكد هاني مهنا، خلال مداخلة هاتفية للإعلامي سيد في برنامج "حضرة المواطن"، عبر قناة "الحدث اليوم" أمس السبت: أنه لم يدعي بيكا وشاكوش لحفل زفاف ابنته، مشيرًا إلى أن منظم الحفل على علاقة بعمر كمال، وقال إنه سيحضر مفاجأة لهنادي وأحمد، بأن يدعو عمر كمال ومصطفى حجاج، في نهاية الحفلة، لكن عمر كمال دعا حسن شاكوش وحمو بيكا دون علمنا.
