حسين فهمي عن عبدالحليم حافظ: كان بيغير مني وحاربني عشان البنات حبتني

اتهم الفنان حسين فهمي العندليب الأسمر الراحل عبدالحليم حافظ، أنه كان يقف خلف حملة منظمة للهجوم عليه في بداية حياته الفنية.

وقال "فهمي" خلال لقائه مع الإعلامية وفاء الكيلاني في برنامج "السيرة" المذاع عبر فضائية "dmc"، إن الفتيات في مصر أحبوه وكن يضعن صورته أسفل وسائدهن مما جعل العندليب الأسمر يحاربه بشدة.

وأضاف "فهمي": "كان فيه هجوم منظم فعلا لأن فيلم نار الشوق نزل في سينما ديانا وفيلم دلال المصرية بيتعرض في سينما ميامي، في نفس الوقت وحصل هجوم في الجرايد، وكنت بروح السينما ألقيها مليانة والجمهور فرحان لكن افتح الجرنال ألاقي نفسي بتشتم ومبقتش فاهم".

وتابع: "دخلت ستديو النحاس لقيت وحيد فريد وكان مدير تصوير كبير جدا وكان شريك عبدالحليم حافظ، وبيقولي مبروك يا واد يا حسين، الدنيا مكسرة والأفلام هايلة، قلت له أنا بتشتم في الجرايد، رد قالي أنت فاكر أن عبدالحليم حافظ هيسيبك في حالك، قولت له إيه علاقة عبدالحليم حافظ باللي بيحصل، قالي ماهو البنت لما تشيل صورة عبدالحليم حافظ وتحط صورتك لازم هو يقلق، وأنا مكنتش فاهم السيستم الجديد ده، وحروب تحت الحزام اللي مكنتش أعرفها".