تامر حسني بيعلّم الرجالة دروس متنتهيش.. شيماء صابر تشيد بنجم الجيل بعد رده على زوجته
أشادت الإعلامية شيما صابر، برسالة النجم تامر حسني لزوجته المغربية بسمة بوسيل، حتى يصالحها من خلالها.
وكتب شيما صابر، علي حسابها الشخصي علي موقع تبادل الصور والفيديوهات "إنستجرام"، موجها رسالته لتامر حسني، قائلا: " تامر حسني في طريقه احتواءه لزوجته ورده عليها بيعلم رجاله كتير أوي دروس متنتهيش.. من زمان وأنا بشوفه حقيقي مثال للشخص الذكي الناجح صاحب المواقف المدروسة.. تحية على إحساسه بالمسؤولية كونه شخص ملهم في هذا المجتمع".
اقرأ أيضا:الليلة.. محمد محي في ضيافة صاحبة السعادة
وكان الفنان تامر حسني، وجه رسالة لزوجته الفنانة المغربية من خلال خاصية الأستوري عبر حسابه بموقع "إنستجرام": "بسمة حبيبي للأسف أنتي مفكرتيش وسلمتي ودنك لشر السوشيال ميديا علشان كام تعليق كلامهم فارغ نسوكي إنك عرفتيني وأنا مشهور ودي طبيعة شغلي اللي عرفتني وحبتيني بيها".
وتابع: "إزاي وصلوكي للزعل والبعد فترة المهم إني مش هزعل منك ولا يرضيني زعلك إنتي حبيبي وأم ولادي أنا في ظهرك وسندك مهما حصل بس اللي عاوزو اقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا طب حتى يكلمه الأول".
واصل: "ايه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة بينهم وياريتها مشكلة اصلا ربنا جعل بينا مودة ورحمة علشان كدة للأسف انتي عارفة إن في ناس طبيعتهم خراب البيوت ومش هنخلص منهم بس انتي اللي هتخلص من فكرة انك هتسمعيهم مع إنك مكنتش كده".
