متصلة تروي قصتها: نزلت مقبرة طفل وعملت حمّام قدام حماتي علشان أحمل
روت متصلة تدعى هاجر قصتها الغريبة، وذلك بعد إنزالها للمقبرة من أجل أن تُرزَق بالحمل.
وقالت هاجر خلال مداخلة هاتفية مع برنامج "بيت دعاء" على شاشة "ten"، اليوم الخميس: "أنا متجوزة من 3 سنوات، ولما كنت في بيت العائلة حماتي قالتلي علشان خاطر أحمل لازم أنزل المقابر".
اقرأ أيضًا: محكمة الأسرة اليوم 2020| بسمة تطلب الخلع: عايزنى أعمل علاقات مع رجالة عشان أصرف عليه
وأضافت: "قالتلي هتروحي مقبرة طفل صغير 7 مرات، وبعد كده اقعد وأعمل حمام قدامها، فأنا خفت وكنت صغيرة لكنهم قالولي متقلقيش".
وتابعت: "روحت المقابر بدون علم أهلي، ولما روحت والدي قال حرام عليكي والمفروض مكنتيش تعملي كده، ومن وقتها ظهري واجعني جدًا".
واستطردت: "مرت سنتين على الواقعة دي وماحملتيش، وأنا كانت عندي ظروف ودخلت على ستي وهي متوفية بس أنا مكنتش، ولما سألت بعد كده فيه ناس قالولي حرام.. وبعد فترة مامتي جابتلي زجاجة مياه من غسيل جثمان ستي وقالتلي احطها على جردل مياه واستحمى بيها، وبالتالي جسمي يقشعر وأحمل".
اقرأ أيضًا: سمر تطلب الخلع: ”جوزي حلق شعري”
وأكملت: "أنا عندي 18 سنة، وإحنا في الفلاحين بنتجوز بدري، وأنا مشيت في طريق علاج من بعد الفرح بشهرين، وعملت عمليتين وزوجي عمل عملية علشان الحمل."
وردّ عليها الداعية أحمد المالكي قائلًا: "كل اللي اتعمل ده خطأ.. ده اسمه جهل، لازم تستغفري ربنا.. إنتي مينفعش تخلفي دلوقتي لإنك محتاجة تتعلمي الأول".
