محكمة الأسرة اليوم 2020| بسمة تطلب الخلع: عايزنى أعمل علاقات مع رجالة عشان أصرف عليه
"عايزني أعمل علاقات مع رجالة علشان أجيب له فلوس" بهذه الكلمات رفعت "بسمة" صاحبة الـ 23 عامًا، دعوى خلع ضد زوجها مدحت صاحب الـ 28 عامًا في محكمة الأسرة بالتجمع الخامس.
وقالت بسمة في دعواها أمام محكمة الأسرة بالتجمع الخامس: "لم تحمل ما يفعله زوجي، بيطلب مني وبكل جرأة أن أعمل علاقات جنسية مع رجالة، علشان أجيب له فلوس، حتى جعلني لا أطيق العيش معه.
وأضافت الزوجة في دعواها أمام محكمة الأسرة بالتجمع الأول:"عندما طلبت من زوجي ينزل يشتغل رفض، حتى شعرت أنه لا يغار عليا ومن الممكن أن يجعلني أبيع شرفي، مما جعلني أقف داخل أعتاب محكمة الأسرة لرفع دعوى خلع ضده بعد 4 سنوات زواج"، مبررة استحالة العشرة معه.
وأكملت الزوجة في دعواها أمام محكمة الأسرة التجمع الأول: "اتجوزت من 4 سنوات، وللأسف أنا إللى وافقت عليه لما اتقدم، على الرغم من أن أهلي قالوا إنه ظروفه صعبة وهتتعبي معاه، لكن كنت بقول نبدأ من الصفر ونبني حياتنا سوا".
وتابعت الزوجة في دعواها أمام محكمة الأسرة بالتجمع الأول: "كنت فاكرة إنه إنسان هيحب يشتغل وخاصة إننا اتجوزنا وبقى مسئول عن بيت وأسرة كامله، لكن اكتشفت إنه شخص لا يتحمل أى مسئولية وعايزني اصرف عليه، وكسول بشكل كبيرة ، كان يتحجج إنه عايز يعمل مشروع خاص به ومش عايز يشتغل عند حد، وبعت له دهبي كله حتى الدهب اللى أهلى اشتروه ليا ساعت الزواج، وفتح المشروع ومكملش ثلاث اشهر وخسر كل الفلوس وبقى مديون للناس من القريب والغريب".
اقرأ أيضًا: محكمة الأسرة اليوم 2020| حسام : مراتي بتضربني كل شوية
وواصلت الزوجة في دعواها أمام محكمة الأسرة بالتجمع الخامس: "بقى يطلب منى استلف فلوس من رجالة في المنطقة وبعدين طلب مني أني أعمل علاقات معاهم مقابل مبالغ مالية، واكتشفت إنه بيشرب مخدرات".
وأكملت الزوجة في دعواها أمام محكمة الأسرة بالتجمع الخامس: "كان كلامه إنه بيشجعنى إنى اتنازل عن شرفي عشان أصرف عليه، حتى العفش باعه وأنا نايمة وشرب بيه مخدرات، حسيت إنى لازم أبعد بدل ما أقع فى الطين أكتر معاه، وحمدت ربنا إنى مخلفتش منه وطلبت الطلاق ورفض، فلجأت إلى محكمة الأسرة التجمع الأول لرفع قضية خلع، وتم تحديد أول جلسة".
