”أوضة اللبس”.. شوبير يكشف أسباب تراجع بيراميدز ويهاجم رمضان صبحي
كشف الإعلامي أحمد شوبير، أسباب تراجع مستوى الفريق الأول لكرة القدم بنادي بيراميدز خلال منافسات الموسم الحالي من بطولة الدوري المصري الممتاز.
وخسر بيراميدز أمام إنبي بثلاثة أهداف مقابل هدف، في المباراة التي جمعت الفريقين ضمن منافسات الجولة الحادية عشر، ليفقد النقطة الـ18 من أصل 33 نقطة بالدوري حتى الأن.
وقال شوبير في تصريحات عبر برنامجه الإذاعي على راديو "أون سبورت "إنبي عمل مباراة كبيرة أمام بيراميدز، حلمى طولان مدرب شديد الاحترام وعاقل ورزين وعارف بيعمل إيه إنما بيراميدز محدش عارفين هما عايزين إيه لحد دلوقتي".
وأوضح "شريف إكرامي غير مسؤول عن الأهداف الثلاثة لكن عندي عتاب عليه، رامي صبري بيسدد ركلات الجزاء بطريقة بانينكا في كل المباريات وبالتالي لازم شريف كان يبقى عارف كدا، بس هو خد 3 خطوات قدام وبقى ليه تفكيرين في اللحظة الأخيرة وعشان كدا كان زعلان أنه معرفش يعمل حاجة".
وتابع: "مشكلة بيراميدز في أوضة اللبس، لما جابوا لاعيبة الأهلي قالوا عايزين نتقل أوضة اللبس ونضيف ليها الخبرات وخرج وقتها رمضان صبحى قال روحت بيراميدز عشان الطموح، امبارح بسأل على الخبرات لقيت عبد الله السعيد وأحمد فتحي مصابين ولقيت رمضان صبحي على الدكة فقولت للمراسل شوف مش بيلعب ليه قالوله أصل المدرب بيريحه عشان مرهق".
وواصل: " لكن اللى عرفناه أن رمضان زعلان عشان كان عايز يلعب، عشان بينافس على هداف الدوري، فقولنا طالما بيريحه يبقى مش هيلعب لكنه نزل بديل لعب نص ساعة".
اقرأ أيضًا: جدول ترتيب الدوري المصري بعد خسارة الزمالك وبيراميدز في الجولة الـ 11
وأكمل شوبير: "رمضان لعب إمبارح 30 دقيقة ومفيش إنتاج تحس أنه اسم فقط لكن مفيش فعل، دماغه مش معاه، أتوقف أمام الزمالك وملعبش وأمام الأهلي معملش حاجة، وجاب خمسة أهداف سهلة مفيهاش هدف صعب، رمضان صبحى بيلعب باسمه فقط لكن بدون أي إنتاج في الملعب".
