”هو ده الطموح”.. شوبير يسخر من رمضان صبحي بعد تألق مصطفى محمد مع جالطة سراي

سخرالإعلامي أحمد شوبير من رمضان صبحي، لاعب الأهلي السابق وفريق بيراميدز الحالي، خلال تصريحاته ببرنامجه الإذاعي عبر "أون سبورت إف إم": "لازم أقول ياجماعة مصطفى يا مصطفى أنا بحبك يا مصطفى.. إيه يابنى اللى انت بتعمله ده، جالك عرض فرنسى من نادي سانت إتيان بمبلغ كبير جدًا، وناديك رفض وجالك عرض تركي أقل مقارنة بالعرض الفرنسى ولكنك وافقت على الفور وتمسكت بطموحك، وروحت على طول انسجمت وسجلت هدفين ومكمل فى طموحك".

اقرأ أيضًا: علاء عبدالعال: الأهلي يستطيع مفاجأة بايرن ميونيخ والتأهل للنهائي

وأضاف: "هو ده الطموح يار مضان يا صبحي، شوف مصطفى محمد بيعمل إيه وإزاي في الدوري التركي؟.. فاكر يا رمضان لما جالك عرض في الدوري التركي ورفضته وقلت ده ضعيف، لأ يا رمضان مش ضعيف بس الطموح بيفرق".

وتابع: "تريزيجيه وكوكا وحجازي عندهم طموح وبنقعد نفتخر بيهم، ونتكلم عنهم وعاوزينهم يتألقوا علشان يفيدوا منتخب مصر".

وأكمل: "شوفت نجوم الأهلي في المونديال يا رمضان، هيلاعبوا بايرن ميونيخ الألماني رغم وصول الأهلي لنصف النهائي، هفضل أقول بطولة تكريمية زي كأس العالم للقارات".

واختتم: "كأس العالم للأندية بطولة تكريمية لبطل القارة، بس الطموح حلو بردو، هما دول الناس اللي تشرفك، ومعاهم محمد صلاح اللي قرب ياخد هداف الدوري الإنجليزي الموسم الجاري".