قصيدة| أشهد
كأني عزف والصبا مزاجات
صبّيت حناني
صاب هواك بالذات
وشربت كاسك قلتلى زيدي
سمعت قول الله لكل الخلق
زاد انبساطك رمشت النجمات
كان المطر عصافير
والشوق جناح حيران
كل اللي حاضرين الليلادي
كانوا عزف كمان
كان المطر قاصد وبيغزل اللحظات
كان يومها أكتر من سبع أعياد ميلاد
والموسيقى نجمة المشهد
مقسوم لقا من نوى ونويت تغنّيلي
غنيت فكان الغنا صمتًا مقوّيني
عصف الهوا يمّك سرسبت منى الروح
حتى الشموع شاهدة على كل نظرة بوح
وكسوفي سهاني والوقت طار كالرمح
وهديت طريقي في انشطار البحر
كنت العصا وقبلت أكون موسى
وعصيت عنادي الليلة دية وتُبت
وشربت ضيك نجم قلب الليل
ليلك حياتك طير مسافر ميل
ولقيتني في ترانزيت صالحت الهوى
صاح الديوك الفجر بان بدليل
كنت لعنيك مركبة مجدافك الإخلاص
خلصت كل الصبر عندك
سلم الاحساس
حسيت لأول مرة قلبي بيرتجف
وكأنه طفلك وإنت ضميته
انا كنت ساكتة وهو مش ساكت
دقاته قالت كل ما قالت
أنا قلت أسيبك تصطفي وياه
ولقيته أهدى من سنين عجاف
كان يبدو جامد بس كان خواف
الليلة شوفته بيتولد وبيبتدى
في حين لمحته بين عنيك فرحان
ضفّر إيديك في إيديا نعمل نخل
يطرح لنا زمزم والصعب يصبح سهل
وأنا كنت تايهة بس عنك فين
على طلتك قام زهر الياسمين
ارويه ليلاتي وقول معايا يس
تحمي لنا طرح الله في منحة قُرب
قرب ورتّل سندسك فيا
أنا كنت صخرة صبحت حنيّة
أشهد بإنك مختلف جدًا
أشهد بإنك نجم في عنيا
