بعد فيديو مها أحمد.. عمرو محمود ياسين: ”كلنا بشر وبنسيء التصرف أحيانا”
وجه الفنان عمرو محمود ياسين، رسالة غير مباشرة، يعلق من خلالها على الهجوم الذي يوجه إلى بعض الفنانين بعد تصريحاتهم مثل الفنانة مها أحمد.
وكتب عمرو ياسين، عبر حسابه الشخصي بموقع التواصل الاجتماعي فيسبوك: "ساعات بيدور جوه عقل الانسان أفكار صعبه !، تصنف شريرة أو حاقدة .. عقل الإنسان متقلب ..تيجي في دماغك أمور وترجع تتركها ثم تعاودها .. وتتركها،
تسيء الظن وترجع تفكر فتلاقي إنه ايه ده أنا كده مش صح .. لا أنا لازم أكون أصفى من كده أنا لازم أتسامح عن كده وهكذا".
وتابع: "مثل هذه الأفكار لا يجب أبدا أن تغادر عقولنا أبدا.. لا تصرح بها ولا تتكلم عنها .. خلي شكواك جواك.. إذا كانت من النوع اللي يختلف عليه .. لان لما بتخرجه بتبان شرير وحاقد و و.. مع إن حقيقتك مش كده.. هي مجرد أفكار ومشاعر متقلبه متغيرة:.
وأختتم رسالته: "إحنا بشر .. الغلطه مش في الفكرة و الإحساس لكن في التصريح به .. عموما أرحموا الجميع، كلنا بشر و كلنا بنسيء التصرف أحيانا".
وكانت شاركت مها أحمد جمهورها ومتابعيها، بمطقع فيديو لها ختى توضح سبب هجومها على النجمان أحمد السقا وأمير كرارة، وظهرت في بث مباشر عبر حسابها الشخصي بموقع التواصل الاجتماعي فيسبوك.
فيديو مها أحمد
وقالت مها أحمد في الفيديو: "أنا كنت بعبر عن حاجه جوايا في البوست ده، ومكنتش اعرف أن كل ده هيحصل، وهو مش جديد عليا إني اكتب بوست مثل لما بكون مضايقة بكتبلكم، وانا بعمل الفيديو ده للتوضيح فقط لأصدقائي على الفيسبوك والإنستجرام، ودي حكاية زي أي حكاية أنا هحكيها، ولسة عندي حكايات مع زملاء كتير قوي".
اقرأ أيضًا: حسن شاكوش يعلن موعد طرح أغنيته مع ياسمين رئيس
وأكدت "أحمد" خلال الفيديو، إنها مرت بفترة قاسية عندما ظلت بلا عمل لسنوات بعد إنقاصها لوزنها التي قامت به بسبب مشاكل مرضها في ظهرها، وقالت: "لجأت لصديق ليا كان زميلي وزميل جوزي، وكان بيروح عند جوزي في بيته وأهل جوزي كانوا فاتحين ذراعيهم ليه والعكس مش عيب أني أتكلم معاه وأعيط وأقوله أني حزينة بسبب قعدتي في البيت. قولت لمجدي أنا هكلم زمايلنا اللي هما نجوم وقوليلهم أني عايزة اشتغل، قالي متعمليش كده عشان متقلليش من نفسك معملتش بكلام مجدي وكلمته وعيطت وابتديت ادخل في مرحلة اكتئاب لأني عايزة اشتغل بعد يومين لقيته بيكلمني يقولي في دور حلو اوي".
