إيهاب فهمي يكشف تفاصيل دوره في فيلم ”آل هارون”
كشف الفنان إيهاب فهمي، عن كواليس أحدث أعماله السينمائية حيث أكد أنه انتها من تصوير مشاهده في فيلم "آل هارون"، مشيرا إلى أن يوم التصوير الأخير بالنسبة له شهد تواجد جميع نجوم الفيلم، لأنه يعتبر من الديكورات الرئيسية، في العمل الفني .
وتحدث إيهاب فهمي، عن أبرز الصعوبات التي واجهته أثناء تصوير، قائلا: "من أبرز الصعوبات التي تواجه أي ممثل في تناول أي دور هو الاختلاف، إنك أنت إزاي تعمل دور بشكل مختلف، تعمل دور فيه عناصر الشخصية اللي بتقدمها، متبقاش فيها نوع من أنواع، زي ما بيقولوا الشبيهية، إن أنت شبه حاجة، ودي الصعوبة اللي ديما بجد أن أي ممثل فيها، إنه إزاي يعمل دور مختلف، ياعنى لو كان طيب يبقى طيب بشكل مختلف".
اقرأ أيضا: ”ربنا يهون رحيل نصفها الثاني”.. حمدي الميرغني يدعو لدلال عبد العزيز (فيديو)
وكشف الفنان إيهاب فهمي، عن دوره في العمل واسم الشخصية التي يقدمها: "الشخصية التي أقدمها في فيلم آل هارون، تدعى "حسين" ونقدر نقول عليه مدير بنك وراجل مسئول، وشخصية مهمة، ومختلفة تماما عن شخصيتي في الحقيقة، وفيه ٣ أبعاد في الدراما، البعد الاقتصادي، والبعد الاجتماعي، والبعد السياسي، اللي هو البيئة اللي بتنشأ فيها، عايش فين وهكذا، ودي من الحاجات اللي لازم يحطها الممثل قدامه لما بيتناول أي شخصية، يشوف شكله إزاي، بيتكلم إزاي، هيمشي إزاي، لو ضحك إزاي، لو غضب إزاي، لو خاف إزاي، وأعتقد المنطقة اللي ممكن تبقى مشتركة بيني وبين "حسين" هو الإنسانيات".
