”روحي مش معايا”.. أحمد العوضي يعلن خضوع ياسمين عبد العزيز لعملية جراحية
وجه النجم أحمد العوضي، رسالة مؤثرة إلى زوجته النجمة ياسمين عبد العزيز، بعد إعلانه خضوعها لعملية جراحية.
ونشر أحمد العوضي صورة تجمعه بزوجته، عبر حسابه الشخصي بموقع التواصل الاجتماعي فيسبوك، وعلق قائلا: "يمكن ببان قدامكم دايما قوي .. لكن الحقيقه أنا دلوقتي اضعف انسان علي وجه الارض عشان أنا روحي مش معايا ... أنا ضعيف جدا من غيرك انتي لازم تبقي كويسه ولازم تقومي بالسلامه".
وتابع: "أنا لاول مره أكتب من غير ما أكون مفكر أنا بكتب ايه وهكتب ايه ... بس انتي هتقومي ان شاء الله باذن الله عشان انتي وعداني وعد وهتتفذيه ... أنا عاوزك تبقي كويسه وتقومي عشان أقولك اني لو كنت ببينلك اني بحبك مره فالحقيقي واللي جوايا اني بحبك الف مره".
واستكمل: "أنا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك .... قومي عشان انا بحبك... بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا ... اكتر بكتير حتي من الموقف اللي احنا فيه دلوقتي .. انا بحبك ..
ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم".
اقرأ أيضًا: نجلاء بدر تطل على جمهورها مع الهضبة.. وتعلق: ”عمرو دياب في حتة تانية”
وجاء ذلك، بعد أن طالب العوضي الدعاء لزوجته ياسمين، قائلا: "الرجاء الدعاء بظهر الغيب لزوجتي وحييبتي ياسمين ... هي في العمليات ومحتاجه دعواتكم اللهم إنك أنت الشافي المعافي بقدرتك على كل شيء اللهم ارفع عنها البلاء والوباء واشفيها وعافيها".
