شريف منير يهاجم الصحافة بسبب حريق منزله: ”إنتو بتحبوا الخراب؟”
انتقد الفنان شريف منير، الطريقة التي تناولت الصحافة والمواقع الإخبارية، بها حريقا شب في منزله قبل أيام.
وفي لقاء له مع الإعلامية رندة جبر، مقدمة برنامج "The Insider بالعربي"، عبر شاشة قناة تليفزيون دبي، قال شريف منير: "أنا بلوم على الصحافة والمصادر اللي بتتكلم عن أي حدث بيحصل، والتهويل الكبير، لإن هما قالوا بيته إتحرق تماما، ولا حد عارف حاجة، ولا حد شاف حاجة".
اقرأ أيضا: أبرز المعلومات عن ياسمينا العلواني وسبب تصدرها التريند
وأردف: "يعني إنتو بتحبوا الخراب؟ يعني إنت حابب تضخم الموضوع عشان تخرب الدنيا، أولا ده بيخض الناس اللي حوالينا وأصحابنا وقرايبنا، وقرايبنا وصحابنا اللي في بلاد تانية، طبعا بيوصل لهم الخبر. فده نوع من الصحافة السخيفة أنا مبحبهوش".
وشارك شريف جمهوره ومتابعيه وقت وقوع الحادثة مجموعة صور من المنزل بعد حدوث الحريق، عبر حسابته المهتلفة عبر مواقع السوشيال ميديا، وكتب معلقًا "الحمدلله .. قدّر ولطف .. سيجارة إترمت من مكان ما على سقف أوضه عندي في تراس البيت .. شبت حريقة .. والحمدلله رجال إطفاء المقطم قدروا يسيطروا على الحريق".
وتابع النجم شريف منير، قائلًا: "الحمدلله قدر الله وماشاء فعل . وأشكر جيراني لوقفتهم بجانب زوجتي و بنتي إللي كانوا لوحدهم في البيت ..لإني بصور من ٧ صباحاً وده حصل وأنا مش موجود."
