نص تحقيقات المتهم بتهديد فتاة بنشر صورها العارية: ”كانت بتكلم ناس تانية غيري”
تنشر "الطريق"، نص تحقيقات المتهم بانتحال صفة طبيب نفسي وتهديد أحد ضحاياه بفضحها ونشر صورها عارية في حال عدم الامتثال لرغبته في إقامة علاقة غير شرعية معه.
وشرعت النيابة العامة في سؤاله:
س: ما اسمك؟
ج: يوسف محمد وهبه، 36 عاما
س: ما تفصيلات إقرارك بإرتكاب الواقعة؟
ج: اللي حصل أن من حوالي سنة ونصف تعرفت على المجني عليها "أمنية. م" من على صفحة فيسبوك وتعرفنا على بعض من على النت وبعدها الواتساب وأصبح في علاقة عاطفية وصداقة ما بيننا وراحت باعتة ليا صور ليها وهيا عارية تماما وهي طلبت تشوف صورتي لأني مكنتش حاطط صورة ليا وأنا رفضت وطلبت منها أننا نتقابل وأنا رفضت.
وأضاف، وفي يوم لقيت جوزها بيكلمني على الواتساب بيقولي أنه عرف أن مراته اللي هيا أمنية كانت على علاقة بناس تانية وأنه شاف كل حاجة عنها فقولتله أنا معملتش معاها حاجة وأنا بعدت عنهم وأنا لقيت من حوالي شهر هي اتصلت عليا من تليفون تاني وقالتلي الرقم ده عندها ومش عارفه مين وافتكرنا بعض وابتدينا نتكلم ولكن أنا عرفت أنها بتكلم واحد غيري وعلى علاقة بيه فأنا من هنا بدأت ابعت لها رسائل تهديد بأني هفضحها بصورها العريانة اللي كانت بعتهالي وهددتها أنها متعملش علاقات مع حد عشان مفضحهاش وكنت فعلا بوجه لها عبارات سب في المحادثة وبعتلها بعض الصور الخاصة بها وهي عارية على تطبيق الواتساب.
وتابع، هي قالتلي طب أنت عايز فلوس قولتلها لأ وفوجئت امبارح أن المباحث جاتلي البيت وأخدوا تليفوني وفتشوا بيتي وطلعوا بيا على قسم العمرانية وهو ده كل اللي حصل.
س: متى بدأت علاقة الصداقة بينك وبين المجني عليها أمنية؟
ج: من حوالى سنة ونص تقريبا.
س: وكيف تعرفت على المجنى عليها تحديدا؟
ج: من خلال الفيس بوك وابتدينا نتكلم بعدها على الواتساب.
س: وما هي طبيعة العلاقة بينك وبين المجني عليها؟
ج: هي علاقه صداقة وعاطفية، وتطورت بعد ذلك بأنها قامت بإرسال صورها عارية ليا وده كان وفق إرادتها وليس طلب مني.
س: هل سبق وأن تقابلتما قبل اليوم؟
ج: لا أول مرة أشوفها على الطبيعة النهاردة، وهيا كنت بكملها باسم إبراهيم وما كنتش عارفة اسمي الحقيقي ولا بشتغل ايه وكنت مفهمها اني شغال في المقاولات وهيا أول مرة كانت تشوفني كانت النهاردة وأول مرة تشوف صورتي الحقيقة لأني مكنتش حاطط صورتي الحقيقة على النت ولا بعتلها قبل كده.
س: لماذا لم تقم بإرسال صورة حقيقة خاصة بك لها؟
ج: لأنها مطلبتش منها.
س: لماذا قام زوجها بالتحدث إليك؟
ج: معرفش بس هو اتصل بكل الأرقام اللي كانوا على موبايلها، وقالي أنه عرف أن مراته بتكلم ناس كتير فأنا قولتله اني معملتش معاها حاجة فأنا سيبتها بعد كده ولكن هيا بعدها كلمتني وقالتلي أن جوزها عرف باللي حصل.
س: وكيف تمت المراسلات آنذاك؟
ج: احنا كنا بنبعت لبعض رسائل كتابية واتكلمنا مع بعض تليفونات كتير.
س: وكيف تجددت المراسلات مرة أخري؟
ج: أنا لقيت تليفون جالي من حوالي 25 يوم من رقم غريب فرديت لقيت أمنية وكانت بتسأل مين أنا لأن وفق كلامها أنا رقم تليفوني كان عندها بس مش متسجل الاسم.
س: وهل طلبت منك سالفة الذكر ثمة أمر؟
ج: هي قالتلي أنها متطلقة من جوزها من خمسة أشهر وطلبت مني أني انام معاها وتبعتلي صور جديدة بخلاف اللي بعتتها من سنة ونص فأنا رفضت انام معاها لكن وافقت أنها تبعتلي صور.
اقرأ أيضا: https://www.altreeq.com/252595
س: لماذا قمت بتهديدها بنشر صورها العارية على أصدقائها وأهلها؟
ج: أنا عرفت أنها على علاقة بناس فأنا كنت رافض كده فده اللي خلاني أهددها وده لأن كان في صداقة بينا.
س: هل لديك أقوال أخري؟
ج: لا
