مرتضى منصور: «أنا رئيس جمهورية الزمالك وكل قراراتي هتتنفذ»

أكد مرتضى منصور، رئيس نادي الزمالك، على ضرورة تنفيذ قراراته داخل القلعة البيضاء خلال الفترة المقبلة.

وعقد مرتضى منصور جلسة مع أعضاء نادي الزمالك في زيارته الأولى الرسمية بعد رجوعه مرة آخرى لتولي إدارة القلعة البيضاء.

وقال مرتضى منصور خلال حديثه مع أعضاء الجمعية العمومية مساء اليوم فى حضور أعضاء مجلس الإدارة: "كل قراراتي هتتنفذ واللي مش عاجبه يشرب من الخرارة".

وأضاف: "ممنوع دخول البنات باللبس الضيق واللي مش هيحترم النادي مايدخلش".

وتابع: "الهرجلة اللي كانت موجودة قبل ما أرجع مش هتبقى موجودة تاني، وكل حاجه هترجع مظبوط، أنا رئيس جمهورية الزمالك".

واختتم: "كل اللي غلطوا في النادي هيتحاسبوا، وكل واحد قال حاجه عليا وعلى النادي هيتحاسب مهما كان هو مين".

وحرص أعضاء النادي وموظفوا النادي على استقبال مرتضى منصور بأعلام مصر ونادي الزمالك إلى جانب رفع لافتات ترحيب بعودته من جديد لرئاسة النادي.

ونظم لاعبو الفرق الرياضية المختلفة بالنادي، ممرًا شرفيًا لمرتضى منصور ترحيبًا بعودته لرئاسة النادي.

اقرأ أيضًا: جدول ترتيب الدوري الإنجليزي بعد اكتساح ليفربول لـ إيفرتون في ديربي الميرسيسايد