العدل جروب تتعاقد مع عمرو عرفة و هالة خليل علي «أحلام سعيدة»
أعلنت شركة العدل جروب عن تعاقدها مع المخرج عمرو عرفة والمؤلفة هالة خليل علي مسلسل "أحلام سعيدة" للنجمة يسرا.
وتدور أحداث المسلسل في إطار دراما اجتماعية مشوقة، ومن المقرر مشاركتة في الموسم الرمضاني 2022.
المسلسل بطولة جماعية، "يسرا - غادة عادل- مي كساب- نور محمود - نبيل نور الدين"، ومن تأليف هالة خليل والاخراج لعمرو عرفة.
في سياق آخر، كشفت الفنانة يسرا عن رأيها في السوشيال ميديا وقالت: "بقت تخلينا نروح في حواديت دمها تقيل أوي وبيزودوها، واللي نفسه يشتم بيلاقي فرصة".
وأكدت خلال استضافتها ببرنامج "مساء دي إم سي" الذي يقدمه الإعلامي رامي رضوان بقناة "دي إم سي": "السوشيال ميديا بقت مستعملة بشكل خاطئ بدلًا ما تكون مصدرًا للمعلومة الصحيحة وندور على حاجة نلاقيها وتكون بتفيد المجتمع".
وتابعت يسرا: "إحنا عايشين في مجتمع ومناخ عام كله مشكلات ومش نضيف في كل حتة في العالم حتى أمريكا، وزمان كانت الحياة ألذ وأنضف وأبسط، وإحنا النهاردة طول الوقت عاملين حساب الناس اللي حوالينا ومرقبانا وشخص ممكن يصورنا بشكل معين".
اقرأ أيضًا: «أنا زعلي» لمحمد شاهين وفخراني تتخطى المليون مشاهدة على اليوتيوب.. فيديو
وأكملت الفنانة حديثها قائلة: "فيه حاجات نشتريها يعني نحبها وفيه ناس بتدفع فلوس في السوشيال ميديا علشان تشتمنا ودي مبحبهاش وببقى عرفاها لأنها بتبقى واضحة زي الشمس ولحساب مين، وفيه ناس بقت نجوم من خلال السوشيال ميديا في 5 دقائق لكن تاريخهم الفني إيه وشقيوا قد إيه وتعبوا قد إيه وعاشوا الشغلانة إزاي مفيش".
وختمت يسرا: "أنا كنت بدهن الحيطة مع يوسف شاهين في الإستوديو وأنا مبسوطة وفرحانة إني هعمل مشهد حلو لأن الخلفية هتعمل شكل حلو وده مش موجود دلوقتي، والسوشيال ميديا أعطت فرص لناس لا تستحقها، والناس بتستعملها غلط وبتدفع الثمن".
