«الأمين» يتصدر مواقع التواصل الاجتماعي.. ومغردون: «السيسي ضد الفساد»
تصدر اسم محمد الأمين رجل الأعمال ومالك مجموعة قنوات سي بي سي الشهيرة، تريند البحث في جوجل ومنصات مواقع التواصل الإجتماعي؛ وذلك بعد قرار نيابة القاهرة بالقبض عليه وحبسه 4 أيام على ذمة التحقيقات؛ لإتهامة بالإتجار بالبشر، وتسهيل طرق الهجرة غير الشرعية، فضلًا عن هتك عرض طفلتين من دار أيتام مملوكة له بمحافظة بني سويف.
«الطريق» تستعرض في السطور التالية أبرز تعليقات رواد مواقع التواصل الاجتماعي حول القبض على محمد الأمين على النحو التالي:
علق إيهاب جمال قائلًا: "كنت بسمع عن الأطفال اللي بتتخطف وتجارة الأعضاء البشرية وسرقة الآثار كنت بقول مش ممكن حد غبي يعمل كده الا إذا كان متمكن لان دائما الجرائم بيملكها صاحب قرار غبي".
وقال أسامة عبد الله: "محدش يقعد يشتم في المجتمع ومصر وناسها علشان شوية مرضى نفسيين معاهم فلوس ومشهورين، ظِفر أى عامل شغال باليومية بمليون زي الكائن دا واللي زيه.. احنا اللي عملنا لهم قامة وقيمة وهما ولاشيئ".
وقال مهدي، "كل يوم بيعدي بيثبت إن السيسي ضد الفساد".
وعلق مو قائلا:" ياجدع دنتا معاك 3 مليار يعني لو عايز تتجوز 4 وتغيرهم كل كام شهر هتتجوز مع إن ده تفكير شمال بردو بس أهو ماشي فالسليم وعلني والعلاقة حلال، إنت بتختار المقهورين.
وأضاف حساب أخر، "يعني معاك فلوس وفلل وتقدر تتجوز بدل الواحدة 4 ومع ذلك لازم الوساخة والإنحطاط يامعفن".
اقرأ أيضًا: استعدادا للامتحان الإلكترونى.. المدارس توجه تعليمات مهمة لطلاب الثانوي العام
وقال أبو العنين، "لص من ضمن اللصوص الذين نهبوا ثروات البلد وأكثروا فيه الفساد".
وقالت جيهان،" الموضوع كأنه فيلم رعب والله الإعدام قليل على الإنسان القذر دا والجماعة المشرفين بتوع دار الأيتام دول ازاي محدش منهم عارف، الناس بقت رخيصة وبشعة اتخلت عن ضمائرها لدرجة تغطي على واحد حيوان مشوه قذر زى دا".
اقرأ أيضا: استعدادا للامتحان الإلكترونى.. المدارس توجه تعليمات مهمة لطلاب الثانوي العام
