الرئيس السيسي: «أنا بسأل في بيتي عن الأسعار وبقول ده هاتوه وده لأ»

قال الرئيس عبد الفتاح السيسي، خلال احتفالية تكريم المرأة المصرية اليوم، إن الدول مبتطلعش لقدام بالأحلام والكلام ولكن بالمثابرة والجهد والوعي.

وأضاف الرئيس السيسي، خلال حديثه اليوم: «أي حد يعزمنى في رمضان بلاش يملى السفرة، رغم إننا معندناش مشكلة في السلع والله، اعملوا اللي أنتم عايزينه لسة الجيش منزل 2 مليون كرتونة وممكن ننزل 3 و 4 و10 و20 كرتونة».

وتابع السيسي: «أننا اذا كنا نريد حياة ومستقبل أفضل لأطفالنا وأحفادنا يكون «يا دوبك» حد يطلع على مواقع التواصل الاجتماعي يقول السيسي بيقولنا متاكلوش لا كلوا زي مانتوا عايزين».

واستكمل الرئيس حديثه: «أي حد يجي عندي والناس اللى بتيجي عندي يقول اكيد عنده سفرة مختلفة بياكل من الجنة.. أنا مش رئيس والله والله أنا ما رئيس.. أنا بسأل الأسعار ده بأيه وده هاتوه وده لأه أنا بعمل كدة أومال ايه مش أنا مسئول أمام الله".

جاء ذلك خلال فعاليات حفل تكريم المرأة المصرية والأم المثالية، بحضور الرئيس عبد الفتاح السيسي، والسيدة انتصار السيسي قرينة رئيس الجمهورية.

كما تم عرض فيلم تسجيلي بعنوان: «أرقام مشرقة»، والذي استعرض جهود الدولة بالأرقام فى تمكين المرأة وحصولها على كافة المناصب.

اقرأ أيضًا: السيسي يكرم نماذج مشرفة خلال حفل تكريم المرأة المصرية