رد ناري من عزيز الشافعي على انتقادات عمرو مصطفى

حرص الملحن عزيز الشافعي أن يعلق على تصريحات الملحن عمرو مصطفي الذي انتقده فيها الملحنين الذين يتعاونون مع الفنان عمرو دياب وذلك من خلال برنامج et بالعربي.

وقال الملحن عزيز الشافعي: "أنا مبتفرجش على البرامج اللي مفيهاش محتوى وغرضها الإثارة، وإحنا كشغالين في المهنة دي، علينا دور كبير إننا نشتغل ونقدم حاجة فيها محتوى، أعتقد أحسن نشتغل ونعمل حاجات كويسة أفضل".

وتابع: "حتى نسحب بيها البُساط من أي حاجة دون المستوى.. أنا بشتغل وبجتهد أن لما أمشي أسيب حاجة كويسة، ومسيبش حاجة مسيئة ولا ليا ولا لزملائي، بحب اشتغل واحب اجتهد دايمًا وأطور من نفسي".

واستكمل قائلًا: "ومش راضي عن أي مستوى أو أي حاجة بوصل لها، وأنا مش عايز أتكلم على حد ومبشوفش حد.. أنا بتكلم عن شغلي وعن المزيكا بتاعتي فقط".

اقرأ أيضًا: أول تعليق من خالد عليش بعد حصوله على حكم برؤية طفلته

يذكر أن الفنان والملحن عمرو مصطفى قال في تصريحات سابقة له: "الشاعر عادل عمر والفنان الراحل عامر منيب هما من قدماني للجمهور، وقبل عادل وعامر، ربنا سبحانه وتعالى ومجهودي".

وفيما يخص منح ألحانه للكثير من المطربين في الوطن العربي، علق قائلًا: "كلهم زي بعض أنا دلوقتي بحب عمرو مصطفى بس، مفيش حد مهم، مزيكتي هي اللي مهمة".