نجلاء بدر مدافعة عن عارفة عبد الرسول: «الإنسانية راحت فين»

حرصت النجمة نجلاء بدر على الدفاع عن الفنانة عارفة عبد الرسول ودعمها، وذلك بعد أن تعرضت الثانية لسوء فهم من أبطال مسرحية "الحفيد".

واستنكرت نجلاء بدر اعتذار عارفة عبد الرسول عن ما حدث.

وكتبت نجلاء بدر تعليقًا للفنانة عارفة عبد الرسول، عبر حسابها بموقع "فيسبوك": "كده كتير والله، بتتأسفي على نيتك الصافيه وخفة دمك، ده أنا اللي فكرت في صحتك وخوفت عليكي.. الإنسانية راحت فين.. حاجة تحزن".

وكانت عارفة عبد الرسول كتبت منشور آثار غضب نجلاء بدر، وقالت خلاله: "أنا حزينة وفي شده الألم.. عارفين البوست اللى كتبته عن المسرحية المحسودة والاسهال ومش عارف ايه.. زملائي زعلوا منه جدا وافتكروا إنى بتريق على المسرحية اللى لسه ماشوفتهاش.. أنا أسفة جدا حقكم على راسي من فوق.. اصلا النيه خير ومافيش ابدًا اللي يخلينى اتكلم وحش عن العرض أنا لسه ما شوفتوش".

وتابعت: "أسفة بجد إن النكتة أو الآيفيه موصلش بالمعنى اللطيف ووصل بالشكل ده.. أسفة واما اجي احضر هعتذر لفرد فرد.. أنا مش هشيل البوست لسببين، متعودتش أقول كلمة وارجع فيها.. ثانيًا يمكن أصحابى يشوفوه تاني ويحاولوا يلاقوا النكتة اللي قلبت غم.. أسفة فى غاية الأسف".

وكان المنشور الرئيسي الذي تسبب في هذه الأزمة هو الذي كتبته عارفة عبد الرسول، وقالت خلاله: "عمري ما اعتقدت فى الحسد عشان محطش في بالي واتعب وفي نفس الوقت بحافظ على صحتي النفسية.. كمان بحب أصحابى وبحب الناس وطبيعي معظم اصحابي ليهم علاقة بالميديا.. الاقي صديق يدعوني لعرض مسرحي.. لو عندي وقت باروح وأنا عارفة إني هتزنق مدة ساعتين في عرض ممل وطبعًا احتفالا بيا بيقعدوني صف أول، بدبس، وطبعا هيطلبوا مني أقول حاجة عن العرض ومتوقعين اشاده، أقعد ادور في دماغي على حاجة أقولها من غير ما أطبل".

اقرأ أيضًا..

مرت بوعكة صحية لم يعملها أحد.. حورية فرغلي تفاجيء الجمهور وتوضح حقيقة ارتباطها

وأضافت: "زميل مخرج عمل مسرحية بطلها زميل ممثل، الإثنين الممثل كل شوية يكتب بوست عن مصايب بتحصل فى العرض وبيقول محسودين.. أنا أضحك وأقول ليه يعني بتعملوا كوفاديس.. دعاني المخرج ومقولتش للممثل عشان اعمله مفاجأة.. استحميت ولبست وحطيت برفان لزوم الأحضان وبالف احط حاجتي فى الشنطة، إلا ياخويا حالة اسهال مش مفهومة ومش مبررة.. قعدت شوية يمكن.. اخيرًا اعتذرت عن الحضور.. زميلى الممثل قال لازم نكسر العين بنت الـ دى.. ضحكت وقولت اه محسودين خالص بقى".. وهنا علق الجمهور أنها تقصد مسرحية "الحفيد"، الذي يجسد بطولتها تامر فرج، وذلك لأنه يعاني منذ عرض المسرحية ببعض الأزمات التي تحدث له وكان يكتب أنه محسود.