تامر حسني يدعم مرضى ضمور العضلات ويقترح فكرة لعلاج غير المقتدرين.. فيديو
استجاب النجم تامر حسني، لطلب دعمه لحملة مزاد مرضى ضمور العضلات، واقترح فكرة جديدة لحل أزمة المرضى غير المقتدرين.
ونشر تامر حسني، مقطع فيديو للقاء حسين الجوهري وهو يوجه نداء له لطلب دعمه لمزاد مرضى ضمور العضلات، وذلك عبر حسابه الشخصي بموقع التواصل الاجتماعي فيسبوك.
وعلق قائلا: "يا حسين يا حبيبي أنا معاك و بدعمك و بدعم حملتك الإنسانيه السامية و سلامي لصديقي و حبيبي أستاذ خيري رمضان، وعندي فكرة أتمنى رعايتها ودعمها من أجل كل مريض فكره مش هتخلي مريض واحد في مصر يمد إيده لحد، لو مليون مصري اشترك فيها هنحل أزمة الأمراض المكلفه في مصر كلها".
وتابع: "مليون مصري بس من الـ120 مليون مصري هيتطوعوا على حساب معين للتبرع و هيكون في لجنه مسؤولة من جهة رسميه مسؤولة في الدوله بتقيم الحاله مادياً و المليون مشترك دول هيكونوا بيتبرعوا بشكل دائم كزكاة عنهم وعن أولادهم لخدمة مجتمع كامل و ممكن نسميها مثلاً صفحة المليون أخ، كل ما تظهر حاله محتاجة رقم صعب الصفحة هتدرسها وتعلن عن الحاله وتكلفتها".
وأضاف: "التبرع هيبقى في حدود من 20 جنيه لـ40 حسب الحاله بس ساعتها أول ما هنعلن هنجمع الفلوس في ثانيه لكل المحتاجين، وكل المقتدرين اللي ربنا هينور قلوبهم وهيشتركوا في الحساب ده، مش هيحسوا انهم دفعوا حاجه بس هينقذوا حياة اطفال كتير و ناس كتير محتاجه، و مين عارف جايز الفكره دي تخلي مفيش ولا واحد مريض في مصر مش لاقي يتعالج و جايز المليون مشترك يكتروا، والله والله والله دي فكرة بسيطة مش هتكلف حد بس هتخدم ناس كتير هتخدم بلد هتخدم كل المحتاجين ونخليهم ميمدوش إيديهم لحد يكسفهم".
اقرأ أيضًا: مسرحية لـ حسين فهمي عمرها 97 عاما.. رفضتها الرقابة لتشابها مع قصة إبراهيم الغربي القواد
واختتم: "ربنا خلقنا عشان نساعد بعض و زي ما علمنا رسولنا الكريم.. خير الناس أنفعهم للناس يعني ربنا بيحب الناس اللي بتنفع الناس وأي صدقه بتخرج من أي حد مستحيل تنقص ماله بالعكس هيضاعفها ربنا في رزقه وهيكرمه ويطهره ويرفع عنه بيها يارب الفكرة دي تتحقق".
