عمرو سلامة يتصدر التريند بتصريحات جريئة عن الحجاب والمثلية الجنسية

تصدر اسم المخرج عمرو سلامة التريند بمواقع التواصل الاجتماعي وأثار ضجة وجدلا كبيرًا بسبب تصريحاته الأخيرة ببرنامج الستات المذاع عبر شاشة قناة النهار الفضائية.

وتحدث عمرو سلامة عن تفاصيل تحضيره لفيلم تسجيلي جديد عن نادي الزمالك قائلًا: "لو عملنا عمل درامي عن نادي الأهلي مش هتكون فكرة مسلية ومفيهاش دراما لكن الزمالك عنده دراما طول الوقت”.

وأضاف: “نادي الزمالك الطرف الأضعف هو ديما مقهور إعلاميا وفي الوسط الرياضي وديما حاطط نقره من نقر الطرف الأكبر اللي هو الأهلي ويروح يقوله هكسبك فتحس فيه دراما حلوة كدة.. محتاجين نختبر ولاء الأهلاوية".

وتابع مازحًا: "ونشوفهم لو مخدوش الدوري 10 سنين ورا بعض هيعملوا إيه، إحنا بنبقى خسرانين والمفروض نحط وشنا في الأرض وبنطلع نقول بنحبه بردو بكل ثقة”.

وقال عن الحجاب: "مجتمعنا بيعيش حالة قاسية على المرأة وإحنا مضيعين وقت كبير جدا في أننا نشوف الست لابسة إيه، وبقينا عايشين في هوس تملك المرأة وإن الراجل فاكر إن الشرف بلبس مراته.. زمان وأنا في الجامعة كان التمرد إن البنت تتحجب وان الولد يربي دقنه".

واستكمل: "دلوقتي التمرد والشجاعة أن البنت تخرج بدون حجاب ومش من حق حد ينتقدها ولا يلمسها.. لبنت في المناطق الشعبية بتخاف تنزل من غير حجاب ودا في حد ذاته قهر وإرهاب”.

اقرأ أيضًا: حقيقة وفاة الفنان صلاح السعدني.. وهذه تفاصيل حالته

وفيما يخص تقديم المثلية الجنسية بالأعمال، علق قائلًا: "لازم أكون صادق مع نفسي، ومعملش حاجة عكس قناعاتي، ولكن بنفس الوقت، لازم منعزلش نفسنا عن العالم، ونتقبل الآخر، ونتقبل المشاكل اللي في المجتمع، ولكن مع احترام ثقافة المجتمع اللي بنعيش فيه.. رقابة الشارع قاسية أكتر من الرقابة الفنية، وأنا مش بقدر أعمل أعمال فنية عكس قناعاتي، وخسرت كتير بسبب كده".