الرئيس السيسي: «البلد مفيهاش ثروات بمليارات.. ولازم نشتغل لتحسين الدخل»
قال الرئيس عبد الفتاح السيسي:"البلاد معندهاش ثروات يطلع منها حاجات بمليارات الدولارات سنويًا.. مفيش حاجة قدامك في مصر غير إن أنت تشتغل وتدور على الأفكار وتطورها عشان تتطور من حياة الناس وتحسن دخلها".
وعلق الرئيس عبد الفتاح السيسي، على حديث البعض عن انتقادات الدولة للعاصمة الإدارية، قائلًا: "الناس بتقولنا بتجيبوا الفلوس منين والحي الحكومي والعاصمة الإدارية، من فلوس الحكومة، احنا ناس صادقين أوي مع نفسنا ومواردنا مننا".
وتابع الرئيس السيسي، خلال كلمته بافتتاح عدد من المشروعات الرقمية التابعة لوزارة الاتصالات بمركز المنارة: "الناس بتقولنا ما تدونا الفلوس دي نعيش بيها ليه تعملوا العاصمة الإدارية.. البلاد بتبني وتعمر نفسها علشان تبني مكانها وسط الأمم وده محتاج صبر ومجهود".
وشدد على أن الدولة المصرية تعمل على ميكنة الخدمات المقدمة لمواطنيها من أجل تسهيل كل الخدمات عليهم.
