وائل الفشني: «محمد منير سبب وجودي في الفن».. فيديو

قال المطرب وائل الفشني، إن بداية مشواره الفني كانت في محافظة بني سويف، في سن الثانية عشر.

وأضاف وائل الفشني، خلال لقاءه في برنامج بحب الإذاعة تقديم شافكي المنيري على نغم إف أم: "كان عندي ١٢ سنة وكنت بعزف على الرق وما كانش حد في البلد كلها بيعرف يعزف عليه، وخصوصا لأن الرق من أصعب الآلات الموسيقية الشرقية واتخانقت مع أبويا لحد ما راح جابه".

وتابع: "أنا فاكر إننا كنا بنقضي العيد في المقابر ونقعد حوالي يوم أو يومين هناك نأكل ونشرب ونأكل الناس كمان، وأحلى رز أكلته في حياتي كان من إيد جدتي".

وتابع: "الفنان محمد منير هو سبب إني أكون موجود دلوقتي، ما كنتش متخيل إن تتر مسلسل واحة الغروب ينجح بالشكل ده، واللي رشحني أغنية تامر كروان".

وأكمل: "أنا لو في زمن بليغ حمدي كنت قعدت تحت رجله لأن زي ما بيقولوا كده إحنا أبونا باشا"، مضيفَا: "اشتغلت مع بهاء سلطان من 2001 لحد 2007، وهو شخص متواضع جدًا".

واختتم "الفشني": "الدكتور يحيى الفخراني هو اللي طلب إني أغني تتر مسلسل "زيزينيا" بعتبر نفسي محظوظ جدًا لاختياري للغناء في حفل افتتاح طريق الكباش".