ناهد رشدي تنهار على الهواء وتكشف عن معاناتها مع المرض
كشفت الفنانة ناهد رشدي، عن مرورها بفترة صعبة بعد إصابتها بمرض خطير، وذلك خلال لقائها في برنامج "الستات" المذاع عبر شاشة قناة النهار.
وقالت ناهد رشدي، خلال اللقاء: "أكتر فترة صعبة عدت عليا فترة المرض، وقعدت فترة طويلة في البيت والحمد لله دلوقتي قالوا لي انزلي واشتغلي".
وتابعت: "شفت حاجات ما كنتش شايفها كل واحد بان على حقيقته، وبيبان مين فرحان فيك وأقرب الناس ليكي فرحانين ويقولوا أحسن إنك اتهديتي، وعارفة مين عشان كده مش بكتب إني تعبانة عشان لو حد بيحبني هيزعل بجد ومش عاوزة أزعله ولو حد بيكرهني هيشمت فيا".
وأضافت: "حاجة تزعل إنك 30 سنة مضحوك عليكي وقرايب بيضحكوا عليكي وإنتي مصدقاهم، ودي تعتبر خيانة من ناس عاوزين يشوفوني في أسوأ حالة وفرحانين، وبيبان على الصوت ويشمتوا فيا.
وأشارت: "فيه ناس كانوا عاوزين بيتي يتخرب وبيحقدوا عليا، ويقولوا جوزها لما عيت قعد جمبها لأن جوزي قعد جمبي سنتين وماكانش بيخرج، والإحساس اللي وصلني من الناس كان مؤلم أكتر من المرض نفسه، و5 بس هما اللي صحابي بجد منهم 3 من الوسط الفني وهما حنان سليمان وعزة لبيب ومي عبد النبي".
اقرأ أيضًا: رغم أزمته الصحية.. عبد الله مشرف أول الحاضرين مهرجان «القاهرة للدراما»
