جريدة الطريق رئيس التحريرمحمد عبد الجليل
الجمعة 9 ديسمبر 2022 06:51 مـ 16 جمادى أول 1444 هـ

اعترافات المتهم بخطف واغتصاب ملكة جمال اللطافة:«قالتلي خطيبها عاشرها»

صورة ارشيفية
صورة ارشيفية

أدلى المتهم بخطف الفائزة بملكة جمال اللطافة والأناقة العالمية والاعتداء عليها بكواليس الواقعة أمام جهات التحقيق.

وقال المتهم باعترافاته أثناء التحقيقات حول الواقعة: «أنا والدي مزارع وأمي ست بيت وعندي 3 أخوات، والحمد لله كنا حالنا المادي كويس، وكنت متربي في قرية وكنت بحفظ قرآن في الكتاب في البلد من وأنا في ثالثة ابتدائي، وكنت قارئ القرآن في الإذاعة المدرسية في البلد في المدرسة عشان صوتي حلو وبعد كده سبت البلد بقيت مع والدي في القاهرة، وكنا مقيمين في عزبة النخل، وبعد كده فتحت محل في سنة 2011 في التجمع وبعد كده فتحت مَعْرِض المفروشات في البلد، واشتغلت في المقاولات سمسار عقارات».

اقرأ أيضًا: الحق مشوارك.. سيولة مرورية بشوارع وميادين القاهرة الكبرى

وأكمل المتهم اعترافاته: «المجني عليها صاحبة صديق لي يعمل مذيع، وتوجد عِلاقة بينهما، وأنا كنت شفتها قبل كده 3 مرات، منهم مرة جات هي وصاحبي باتوا عندي، ويوم الجمعة كنت في طيبة مول في مدينة نصر بالقاهرة بمهرجان الإذاعة والتلفزيون، وهناك قابلتها وقعدنا مع بعض وخدنا أرقام بعض، وفي نهاية المهرجان حصل بينها وبين صاحبي مشكلة عشان راحت بتقوله يا حبيبي فهو قالها مينفعش الكلام ده هنا وراحت سابت المهرجان ومشيت وأنا قعدت مع صاحبي شوية».

وتابع المتهم: «بعدها على الساعة 10 كلمتني قالت لي إنها عند طريق السويس، وراكنة في البطيء ومشغلة الانتظار، فأنا قولتلها هجيلك وأقل من 30 دقيقة هبقى عندك.. وصلت ومشيت ورايا وروحنا على لابوار كافيه، وطلبت قهوة بندق».

وأضاف المتهم: «بعد كده خدتها وطلعنا على البيت علشان تبات هناك وأنا قررت أسيب البيت ونزلت أروح أبات عند حد من صحابي، ولما وصلنا هي ركنت في الباركينج اللي قدام العمارة الناحية الثانية وجابت شنطة هدومها شنطة هاندي رصاصي وشنطة تاني خاصة بها صغيرة وطلعت معايا البيت وقلعت الجزمة وأكلت، ودخلت غيرت هدومها وقلعت الهدوم اللي كانت لبساها».

وواصل: «بعدها 60 دقيقة تقريبا نزلنا تاني علشان هي كانت عايزة تشرب قهوة بندق، وأنا معنديش في البيت، وسابت الشنطة الهاندباج بتاعتها وشنطيتها وعند عربيتها قالت لي إنها عايزة البالطو وماخديتش حاجة غير الموبايل والسجاير والجاكيت عندي في العربية وادتهوني وكانت لابسه البلطو ولبسته، وروحنا على بنزينة شيل أوت قعدنا هناك حوالي ساعة، شربنا قهوة وقعدنا في الماستر فوق وبعد كده نزلنا قعدنا في العربية، وقعدت تحكي لي على مشكلة بينها وبين صاحبي في نفس الوقت، وحكيتلي أنه عاشرها أكثر من مرة، وأنه وعدها بالجواز، وأنه واخد منها مبلغ مالي 8000 جنيه لأن والده تعبان وعنده كورونا وأنه محجوز في المستشفى، وبعدين بينت إنها متضايقة منه بسبب أنه هو فصلها في المهرجان وقعد مع واحدة تانية، وفي الآخر مشي مع واحدة ثالثة خالص، وبعد كده قالت لي هنروح دلوقتي ولا إيه، فقولتلها زي مانتي عايزة، وقولتلها أنا هروح أوديكي عند البيت وأنزل ثاني».