تامر فرج لصناع السينما والدراما: «كفاية استسهال»
وجه الفنان تامر فرج، رسالة شديدة اللهجة إلى صناع السينما والدراما في مصر، وذلك من خلال نشره مجموعة صور جديدة له على حسابه الشخصي، عبر موقع تبادل الصور والفيديوهات إنستجرام.
وكتب تامر: "هام جدا إلى السادة القائمين على صناعة السينما والدراما، اللي فى الصورة الأولى هو نفس اللي في الصورة التانية ممثل اسمه تامر فرج، وممثل يعني يعرف يعمل كل الأدوار، مفيش حاجه اسمها شكله ابن ناس".
وتابع: "مفيش ممثل ابن ناس، الممثل ابن الشخصية اللي بيقدمها، مفيش حاجة اسمها ده عينيه خضرة يبقى جان ولا بتاع ستات، في حاجه اسمها عدسات لاصقه زي ما ممكن تلاحظوا في الصورة الأولى".
وأضاف: "مش لازم نبقى كلنا بعضلات وشبه بعض ونقعد ننشر صورنا في الجيم عشان نشتغل أكشن، مش لازم أستنى إني أوصل لنجومية أحمد زكي عشان أغير الصور النمطية اللي في دماغكم".
وأردف: "كفايه بقى القوالب الجاهزة اللي بتضعونا فيها، كفاية استسهال، في حاجه اسمها عين مخرج يعرف يطلع الإمكانيات اللي جوه الممثل، أرجوكم كفاية قولبه، أرجوكم ماتقتلوش إبداعنا وخلونا نخرج الموهبة اللي ربنا أعطاهلنا".
اقرأ أيضًا: روجينا تكشف سبب شجارها مع أروى على الهواء «فيديو»
