عزة مصطفى عن أزمة شيرين عبد الوهاب وشقيقها: «إيه حكاية أخوات النجوم؟»
علقت الإعلامية عزة مصطفى، على ما يحدث مع الفنانة شيرين عبد الوهاب ومقاضاتها لشقيقها بتهمة التعدي عليها، وإجبارها على الدخول في المستشفى بعد التنازل عن المحاضر المحررة ضد طليقها حسام حبيب، قائلة: "موضوع يخض، لأن التعدي عليها من أخوها تصريحات تخض، أنا مش عارفة إيه حكاية أخوات النجوم".
اقرأ أيضًا: الرئيس السيسي: مصر أكثر الدول جفافًا في العالم
وأضافت «مصطفى»، خلال تقديمها برنامج «صالة التحرير»، المذاع مساء اليوم الأحد على فضائية «صدى البلد»: "قبل كدا كان في ازمة ياسمين عبد العزيز وأخوها، دلوقتي شيرين وتعدي أخوها عليها بالضرب بسبب تنازلها عن بعض القضايا لطليقها، هل ده سبب لضربها؟".
وتساءلت الإعلامية: "هي دي الأخبار اللي بتخرج عن النجمة اللي الوطن العربي كله بيستنى يسمع صوتها، فيسمع أن أخوها ضربها وحجزها في المستشفى، وأتقال أنها هتسافر عشان تعمل عملية لأن عندها مشكلة في الرباط الصليبي، هل ده السبب ولا لا؟.
واستطردت: "شيرين كمان اتهمت أخوها بالاعتداء عليها بالضرب، أنا نفسي الأخبار دي متبقاش بالشكل الفظيع اللي على السوشيال ميديا، وبتمنى السلامة لأنها صوت مهم، وهي بتطلع من مطب بتقع في دحديرة، ويبدوا أن ده قدرك يا شيرين".
