”يعز عليا أشوفك كده”.. غادة إبراهيم توجه رسالة لـ شيرين عبد الوهاب بعد دخولها المستشفى ”خاص”

دعمت الفنانة غادة إبراهيم، الفنانة شيرين عبد الوهاب، بعد الأزمة التي تواجها الآن، وخاصًة بعد احتجازها بالمستشفى، والاتهامات التي واجهتها من شقيقها ووالدتها.

قالت غادة إبراهيم في تصريح خاص لـ "الطريق": "حبيبتي شيرين أنا بحبك من أول ما غنيتي آه يا ليل، من أول مرة ظهرتي، ما فيش أغنية لكي مش حفظاها، مفيش لقاء ليكي مش شفته مرة واتنين وثلاثة، ففرحي بلاقي أغانيكي معايا في زعلي بلاقي أغانيكي معايا".

وأضافت: "حتى في كل الآمال والطموحات اللي كانت عندي كنتي معايا، أنا يعز عليا أشوفك كده بجد، أنا أحد أهم فانز لكي، وبحبك من قلبي ودعمه لك من قلبي والله من قلبي، يعز علي أوي أشوفك كده".

وتابعت: "متأثرة أوي، أرجوك يا شيرين أرجعي تاني قوية، أرجعي تاني أقفي على رجليك، أنتي أقوى من كده، أقوى من كده بكتير، ما تخليش حاجة تأثر ولا على فنك ولا على نجوميتك مفيش حاجة في الدنيا تستاهل".

واختتمت "غادة": "ولادك وصحتك أهم حاجة في الدنيا، وفنك والناس الملايين اللي بتحبك أرجوك يا شيرين أنا بجد نفسي ترجعي تاني بجد ترجعي أحسن من الأول كمان، أهم حاجة أنتي وولادك وفنك وأسرتك، ربنا يخليكم لبعض يخليك لجمهورك، ويخليكي لينا، لأن احنا بنحبك من قلبنا، بجد بنحبك من قلبنا، إن شاء الله يا رب نشوفك قريب على خير".

اقرأ أيضا: استدعاء هاني شاكر.. مصطفى كامل يكشف الحقيقة