باسل أمام محكمة الأسرة: مراتي كانت هتموت نفسها عشان قولتلها ربنا ينتقم منك
رفع زوج «باسل» دعوى من أمام محكمة الأسرة مصر الجديدة ضد زوجته لأنها لم تحتفظ بأي شيء من أسرار البيت، التي تعامله معاملة الضعفاء وتقلل من شأنه في كل شيء وخاصة أمام الناس وأمام أسرتها .
اقرأ أيضًا: عاجل | إحالة 9 متهمين من قيادات ومسؤولي محافظة المنوفية للمحاكمة العاجلة
روى «باسل » صاحب الـ37 عامًا لـ«الطريق»: «حياتي جحيم ومشوفتش يوم واحد حلو مع زوجتي طول الوقت كانت بتحسسني أني مش راجل قدام الأهل والأصدقاء والجيران، حتى ولادي وأنا في الأصل راجل صعيدي وملتزم دينيا جدا والمفروض أن الست أسرتها هما اللي بيبقوا بيصبروها علي العيشة لو جوزها تاعبها لكن أنا الوضع معايا كان العكس تمامًا وأسرتي هما اللي كانوا بيصبروني علي العيشة معاها ويقولولي « دي مخها صغير وأستحملها معلش عشان أولادك» وهنا كنت بدأت اتأكدت أني بقيت ضعيف الشخصية ومليش قيمة عشان مجبر أسكتلها وأعديلها.
وأكمل الزوج: «من أول يوم جواز وزوجتي بتحكي كل حياتنا بتفاصيلها لأسرتها وخصوصا والدها لو اشتريت قميص جديد ولا جيبت لمراتي أكلة جديدة تطبخها تروح تحكي لأسرتها ولما كنت أتخانق معاها وأقولها أن الكلام ده مينفعش وأن بيتنا له خصوصية ولازم نعيش محديش يعرف عننا أي حاجة، كانت تعمل نفسها مش سامعة وتمشي الدنيا برضه علي مزاجها في الآخر»
وأختتم «باسل» حديثة: «وفي يوم في أولادي طلبوا من والدتهم أنهم يباتوا عند جدتهم واللي هي تبقي والدتي والكلام ده معجبش مراتي وقالتلي « مفيش بيات عند أمك عشان أنا مبحبهاش ».
اقرأ أيضًا: جمعية النواب العموم العرب تعقد ورشة عمل متخصصة لمكافحة جرائم الاتجار بالبشر
روحت أنا رديت عليها «هو أنتي كل حاجة العيال يبقي نفسهم فيها تقوليلهم لا روحي ربنا ينتقم منك ومن عمايلك السودة وهي طبعا بعد الكلام ده قالتلي «لو وديتهم عند حماتي أنا هموت نفسي» وانا مديتهاش أهمية وسيبتها تعمل اللي تعمله على أساس أنها بتقول كده عشان تضايقني وخلاص لكن أتفاجأت أنها دخلت المطبخ بجد ومسكت السكينة وقطعت شرايين أيديها الأتنين ومن وقتها وأنا أتأكدت أني خلاص مش هطيق أعيش معاها تاني وسيبتلها العيال والشقة وكل حاجة مقابل إني أخلص منها، وأنها تعبانة نفسية».
