«غطلت فيا هي وأهلها».. تفاصيل الخلاف بين نجوى فؤاد ولوسي

كشفت الفنانة نجوى فؤاد تفاصيل خلافها مع الفنانة لوسي الذي آدى إلى قطيعة بينهما، حيث وصفت نجوى فؤاد ما حدث معها بسوء تفاهم في أحد المواقف.

خلاف نجوى فؤاد ولوسي

تحدثت الفنانة نجوى فؤاد خلال حلولها ضيفة في برنامج "قعدة ستات"، والذي تقدمه الإعلامية مروة صبري، على قناة "القاهرة اليوم".

وقالت: "أنا مش زعلانة منها عشان الغيرة، لأني عمري ما حسيت بالغيرة من حد، وكل الناس بتحبني، وكنت أنا ولوسي قريبين جدًا من بعض، لحد ما حصل سوء تفاهم في موقف، ووقتها انسحبت وأنا لما بنسحب مش ببص ورايا تاني، لأني برج الجدي، وشايفة إني مغلطتش في موقفي معاها علشان أصلحوا".

https://fb.watch/gLNzvxC44T/

وتابعت نجوى فؤاد حديثها: "لوسي وأهلها غلطوا فيا، عشان أنا لما سمعت إنهم تعبانين، جبت شوية حلويات وروحت أزورهم، وكان معايا صحفية صحبتي، لوسي كانت هي اللي تعبانة، نزلتلي البواب يقولي إنهم في المستشفى، سألته مستشفى إيه مردش عليا، وعرفت بعدها إنها فوق هي وأسرتها ونايمين".

اقرأ أيضًا..

الليلة.. عمر خيرت يحيي حفلا موسيقيا في أبو ظبي

وأضافت نجوى فؤاد: "طلعت سلم بيتها وأتجرحت جدًا، لما الشغالة اللي عندها قالتلي نايمين، مع أني كنت رايحالها بحب كبير، وكان ممكن تقولي نتقابل في أي وقت تاني، أنا لما بكون نايمة، البنات عندي بيقولوا نايمة ممكن تتصلوا بعدها بساعة، لكن هي مكلمتنيش ولا أنا كلمتها، ومش متضايقة إني مش بكلمها، هي فنانة محترمة وموهوبة، وممثلة من الدرجة الأولى".