ندا في محكمة الأسرة: «جوزي بينشر صوري على المواقع الإباحية»
وقفت «ندا» داخل محكمة الأسرة بمصر الجديدة تشتكي زوجها، في دعوى طلاق للضرر قائلة: «دا بيخليني أصور نفسي على طول كنت أفتكر إني بوحشه معرفش أنه مش راجل وبينشرها على المواقع الإباحية ليتحصل منهم على أموال عن طريق إرسالها لبعض الأشخاص ما دعاها للانفصال عنه.
قالت السيدة في دعواها أمام محكمة الأسرة: "اتجوزنا من 4 سنوات ولسه مفيش أطفال ومن عامين جوزي عمل حادثه خبطته عربية، أسفرت عنها أنه مش هينفع يمشي على رجله تاني، قررت وقتها إن أنزل وأشتغل وهفضل في ضهره وسنده اشتغلت في عيادة وكنت بصرف أنا على البيت وبدي جزء منه له عشان ميحسش أنه عاجز فجأة لاقيته بيطلب مني طلبات غريبة جدا زي أني أصور نفسي وأنا بستحمى أو بغير هدومي وأنا لابسة قميص نوم جديد، وكان أوقات كمان يصورني هو وأنا نايمة أو وأنا بنضف الشقة".
وأكملت الزوجة: "فضلنا على هذا الحال وقت طويل ده وكنت بعمل كل حاجة بيطلبها اتصوري أتصور عادي مش بقول له لا علشان جوزي أكيد مكنتش أتخيل أنه يعمل فيها أي حاجة أو عقلي يخليني أشك فيه لحظة واحدة، مرة بالصدفة كنت بعمل حاجة على تليفونه ولقيت واحد باعتله فيديو ليا وبيقوله مراتك حلوة أوي ما تسلفهالي شوية".
واختتمت الزوجة في دعواها أمام محكمة الأسرة: "دا كمان طلع بجح لما واجهته قالي لو مش عاجبك روحي على بيت أهلك، قلت له بقى أنا بنزل كل يوم أشقى وأتعب عشان أشيل عنك وفي الآخر تعمل فيا كل ده، وعلشان كده جيت المحكمة أعمل دعوى".
