الذهب طاير في السماء.. أحمد موسى: اللي عايز يتجوز يأجل شوية

علق الإعلامي أحمد موسى، على الارتفاع المبالغ فيه بأسعار الذهب بالأسواق المصرية.

وقال موسى، خلال حديثه ببرنامج "على مسئوليتي"، المذاع على قناة صدى البلد، إنه لا يوجد طلب على الذهب في مصر، ورغم هذا الأمر شهد المعدن النفيس ارتفاعًا غير مسبوق.

وأضاف: "الذهب طاير في السماء، والبورصة العالمية للذهب في العالم حاجة، وعندنا في مصر حاجة تانية خالص".

وتابع: "الذهب في مصر ارتفع جامد أوي، واللي عايز يتجوز يؤجل جوازه شوية، وسعر الجنيه الذهب ارتفع بشكل رهيب، ويزيد في اليوم ما لا يقل عن 60 جنيها، وفي يوم آخر ينخفض 30 جنيها، وهذا الأمر غير مسبوق".

وأكمل: "بنصح أي حد يأجل الجواز دلوقتي عشان الشبكة، الـ 50 ألف جنيه هيجيبوا محبس ودبلة".