«إحساس بالنقص».. الجمهور يهاجم محمد رمضان بعد صفعه لأحد المساعدين
شن الجمهور هجومًا حادًا على الفنان محمد رمضان بعد نشر فيديو له من كواليس مسلسله الجديد "العمدة"، وظهر رمضان في الفيديو وهو يصفع أحد الممثلين المساعدين معه "بالقفا"، مما أثار غضب الجمهور.
وفي السطور التالية نرصد لكم تعليقات الجمهور على الفيديو الأخير لمحمد رمضان.
علق الجمهور على الفيديو، فقال أحدهم: "ذنبه ايه الممثل أو الكومبارس يحصل معاه كده، دي غلطتنا إحنا عشان واحد بيحاول يوصل ل 200 جنيه بعد سحله تحت مسمى السعى، آسف يا فنان انت اخطأت في نزولك للفيديو ده ولو مش عشانك عشان أسرة الراجل ده لما يشوفوا، ولو هتقولي هو قبل معنديش مشاكل عشان هو حلمه يمثل قدامك بس الإنسانية هنا راحت منك حبتين تلاتة".
اقرأ أيضًا.. دار الأوبرا المصرية تحيي ذكرى رحيل فايزة أحمد وفريد الأطرش بهذه الطريقة
إحساس بالنقص
وقال آخر: "دا احساس بالنقص، لما تنزل حاجة زى دي ربنا يشفي"، "احساس الشخص أو أهله وهو بيضرب مهين جدًا حتى لو بيمثل، في المسلسل اللقطة بتعدي لكن البوست بيتعمل عليه حفلة، ياريت تشيله".
اقرأ أيضًا.. تعرف على موعد عرض أولى حلقات مسلسل ”اتزان”
الجمهور لمحمد رمضان الفلوس عمتك
وعلق آخر: "حسبي الله ونعم الوكيل فيك مش مكفيك الضربة اللي خدها عشان لقمة العيش كمان مطلعة قدام الناس، الظاهر إنك الفلوس عمتك ونسيت إن ده انسان زيك"، "إيه المميز في الفيديو المهين ده حتى لو تمثيل؟".
وأضاف آخر: "ياريت تمسح الفيديو احترامًا للشخض اللي ضربته، المشهد ممكن يعدي في المسلسل بس إنك تنزله دي إهانة للشخص"، "انت يعني كل ما الناس تحبك شوية وتبقى في صفك، إنت مُصر تكره الناس فيك شيل ياعم الفيديو ده عشان خاطر أهله"، "هو ده الصباح بتاعك؟ انت كده دمك خفيف يعني ولا انت راجل جدع قوي".
اقرأ أيضًا.. خالد سليم ودينا فؤاد ضيوف أمير كرارة في هذا الموعد.. فيديو
مسلسل "العمدة"
مسلسل "العمدة" من تأليف وإخراج محمد سامي، وبطولة محمد رمضان، منة فضالي، إيمان العاصي، هالة صدقي، زينة، مى كساب، عصام السقا، أحمد داش، فريدة سيف النصر، هيدي كرم، مجدي بدر، ومن المقرر المشاركة به في الموسم الرمضاني القادم 2023.
