لأول مرة.. فريال يوسف تكشف سر انفصالها قبل الزفاف مباشرة.. فيديو

كشفت الفنانة فريال يوسف عن تفاصيل زيجتها اللي انتهت بعد كتب الكتاب وقبل اتمام الزفاف، وذلك من خلال لقاءها في برنامج "الستات" المذاع عبر قناة "النهار".

قالت فريال: "مكنش فيه فترة تعارف، وأنا اتسرعت في إني أوافق على الجواز، وكنت مشغولة بمسلسل خاتم سليمان بس بعد كده لما ركزت معاه وسألت عليه من كذا مصدر عرفت معلومات مش كويسة عنه واكتشفت إننا مينفعش نكمل مع بعض".

سبب زواج فريال يوسف من شخص غير مناسب

وأضافت: "جوازي كان مجرد رد فعل، عشان كان في شخص بيحبني جدًا وأنا قولتله إننا مش هننفع مع بعض، ووافقت على الزواج من الشخص الآخر عشان يقتنع إننا مش لبعض، وماما اتخانقت معايا وقعدت شهر مش بتكلمني".

اقرأ أيضًا.. فريد يتحدث عن نجاح أغنيتة «بأمارة مين؟» ويكشف عن أغنية جديدة تجمعه برامي جمال.. فيديو

مواصفات فارس أحلام فريال يوسف

وتابعت: "أنا نفسي ألاقي توأم روحي، والشخص اللي يستاهل قلبي والأصلح إني أكمل معاه حياتي، ويستاهل أشيله على راسي، لأننا معندناش فكرة الطلاق دي نهائي، أنا أبويا وأمي متجوزين بقالهم أكثر من 50 سنة، وقولت لماما إنتي لو عيزاني أتجوز بكره ممكن أتجوز".

اقرأ أيضًا.. قبل عرضها غدًا.. مسرحية «عيلة اتعملها بلوك» ترفع شعار كامل العدد