بعد ارتباط بلوجر بطليق صديقتها.. ياسمين عز : «كلامي كان صح واللي قولته حصل»

علقت الإعلامية ياسمين عز، على واقعة زواج البلوجر التي تزوجت من زوج صديقتها، قائلة: "البنت خطفت جوز صحبتها.. علشان تعرفوا أن كلامي صح لما بحذركم من صاحباتكم وأقول متخليش جوزك يتعامل مع صاحبتك".

وأضافت ياسمين عز خلال تقديمها حلقة اليوم من برنامجها "كلام الناس" المذاع عبر فضائية "إم بي سي مصر": "لما طلعت اتكلمت في الموضوع ده اتهاجمت وقالولي بتقولي إيه؟.. إزاي صاحبتي تخطف جوزي.. شوفوا سبحان الله مفيش كام يوم واللي قولته حصل".

اقرأ أيضًا:ذروة الأمطار.. الأرصاد تحذر من سوء الطقس اليوم وغدا على هذه المناطق

وتابعت: "كلكم بتتكلموا عن واقعة الست اللي خطفت جوز صاحبتها ومن جبروتها نزلت صور فرحهم على السوشيال ميديا وعلقت أخيرا الحلم اأتحقق.

وأردفت : "معنى الكلام ده أن الصاحبة كانت بتدخل بيت صاحبتها وهي بتحب جوزها وبتحاول تخطفه منها.. والتانية بتدلق بالكلام وتعرفها تفاصيل جوزها وهي بتخزن علشان تاخده على الجاهز".

وأوضحت: "صاحبتك في أول خناقة بينك وبين زوجك هتلاقيها بتقويكي وتسخنك عليه بدل ما تهديكي وتخليكي تحتوي الموقف".