«أنا ربنا نصرني».. ياسمين عز عن فوز ميسي بكأس العالم: «شوفتوا الاستقرار بيعمل إيه»

علقت الإعلامية ياسمين عز، على فوز منتخب الأرجنتين في مونديال قطر، وتويج اللاعب ليونيل ميسي بكأس العالم 2022، قائلة: "الحمد لله أنا ربنا نصرني".

وأضافت ياسمين عز، خلال تقديمها حلقة اليوم الخميس من برنامجها "كلام الناس" المُذاع عبر فضائية "إم بي سي مصر": "أوعوا تنكروا أنه في اللحظة اللي ميسي شال فيها كأس العالم افتكرتوني وافتكرتوا كلامي عن ميسي وأنتونيلا مراته".

اقرأ أيضًا:مصطفى بكري: الشعب محتاج من يشرح له.. وهذه مسئولية الحكومة

وتابعت: "شوفتوا الاستقرار والجواز بيعمل إيه وبيوصل لفين.. وشوفتوا الست لما تكون واقفة في ظهر زوجها وبتدعمه وتدلعه وبتأخذ بالها منه وبتخليه أحسن حد في الدنيا، بيبدع وبيطلع أحسن ما عند".

وأردفت ياسمين عز: "الست بتخليه عنده طاقة فوق طاقته وساعتها بتكون الدنيا كلها في كفة بالنسبة له وهي لوحدها في كفة تانية"، مؤكدة أن ميسي عند فوزه بكأس العالم لم يتركه من يده إلا عندما شاهد زوجته: "ساعتها نسي الكاس والدنيا كلها وحضنها".