أحمد عيد: «مش هشتغل غير اللي شايفه كويس»
كشف النجم أحمد عيد، حقيقة تصريحاته التي أثارت الجدل، في الساعات القليلة الماضية عن اختفائه وعدم المشاركة في أي أعمال فنية.
حقيقة تصريحات أحمد عيد
ورد أحمد عيد، على هذه التصريحات، من خلال منشور كتبته عبر حسابها الشخصي بموقع التواصل الاجتماعي فيسبوك، قائلا: "مساء الفل، لقيت تصريح متاخد من سياقه من كلام كان بيتقال بهزار".
واستكمل: "أنا حابب أوضح إني مقصدش أشتكي ولا أبان عندي مظلومية، أنا الحمد لله بيتعرض عليا شغل كتير، وأنا اللي مش عايز أشتغل غير اللي شايفه كويس احتراما لنفسي وللجمهور، أنا مش فارق معايا أشتغل أصلا أو مشتغلش، المهم أعمل اللي أنا مقتنع بيه".
اقرأ أيضًا| صفوة: مهنة الرقص لا يتم تقديرها كما تستحق وأصبحت كلما زاد العري زادت قيمة الراقصة.. (فيديو)
وتابع: "أنا ماديا مش محتاج ولا عندي مشكلة الحمد لله وكلامي بيتحور أحيانا، عشان أبان مظلوم أو بشتكي ليه مش عارف، وبالنسبة للأخ اللي عمل تعليق على الصورة، بيقولي مالك يا أستاذ أحمد عينك فيها حزن ليه وسايب دقنك وشنبك، عايز أقوله أن بس ده راكور عشان بصور حاليا، وبجد بشكركم كلكم على رسائل وبوستات الدعم والمحبة".
