أحمد عيد لرابطة الأندية: «بقالنا 3 سنين في عك»
أبدى أحمد عيد عبد الملك، لاعب الزمالك ومنتخب مصر السابق، استياءه من مسئولي رابطة الأندية بعدما اتخذوا مؤخرًا قرارا بتأجيل بعض المباريات لأندية الأهلي وبيراميدز والمصري نظرا لمشاركتهم في بطولة دوري أبطال أفريقيا والكونفيدرالية الأفريقية.
وكتب أحمد عيد عبر حسابه على "تويتر"، "هو فين الكلام اللي رابطة الأندية قالته في أول الموسم أن مفيش تأجيلات وأن الفريق اللي هيلعب أفريقيا علي أرضه هيلعب قبلها بـ ٣ أيام !".
وأضاف: "الفرقة الوحيدة بعد إيقاف الدوري اللي هتكون لعبت ٣ ماتشات و في فرق ملعبتش ولا ماتش".
وتابع: "فين كلامكو اللي قعدتو تزينوا بيه الدخلة علينا ما هو ده بردو من ضمن سلسة فشل الكرة في مصر و محدش بيقدر ياخد قرار صح لأن الأندية أقوي من الاتحاد إحنا بقالنا ٣ سنين في عك علشان دوري الكرونا متلغاش".
وواصل نجم الزمالك الأسبق: "ماشي أنت أجلت للفرق كلها اللي بتلعب أفريقيا عادي مع أن دي مش لائحة !! تلاعب الزمالك ليه الماتش التالت في خلال أسبوع والجولة نفسها هتبدأ الخميس".
واختتم: "وقعدنا نأذن في مالطة ومحدش سمع الدوري ده يخلص ٢٠٢٥ بقى".
وأعلنت رابطة الأندية تأجيل مباراتين لكل من الأهلي وبيراميدز والمصري في الجولتين 14 و15 من الدوري المصري، بسبب مشاركتهم الإفريقية.
اقرأ أيضا.. تعديل موعد مباراة الأهلي والرجاء في دوري أبطال إفريقيا
