«هتدلع هقطع رقبتك».. رسائل نارية من مرتضى منصور للاعبي الزمالك

وجه مرتضى منصور رئيس مجلس إدارة نادي الزمالك، عدة رسائل قوية للاعبي الفريق الأول لكرة القدم، بعد رحيل البرتغالي جوسفالدو فيريرا، مدرب الفريق، وتراجع الأداء الفترة الأخيرة.

وقال مرتضى منصور، في تصريحات عبر برنامج "زملكاوي" المذاع عبر قناة "الزمالك": "أنا بقول قدام الدنيا، اللي مش عاجبه الزمالك يجيب عرض ويمشي".

وشدد: "أي لاعب فاكر نفسه موظف هيتحاسب، إنت بتاخد ملايين علشان تسعد الجماهير، فلما تنكد عليهم هيتخصم منك علشان إنت مش موظف".

وأوضح: "في لعيبه بتموت نفسها والشوط التاني كانوا كويسين، وإنتم بتشتكوا علشان مش بتلعبوا أماكنكم، لكن أسامة نبيه عارف الجزء ده، مفيش لاعب مش هيلعب في مكانه وده الطبيعي، مش كيميا مني".

وأكد مرتضى منصور: "أي لاعب هيدلع هقطع رقبتك فلوس، مفيش إيقاف، أي دلع يساوي خصم، وأي لاعب هيسهر ويستهتر، إسماعيل يوسف وأميرمرتضى معاهم صلاحية يتصرفوا معاه".

اقرأ أيضًا: ترتيب الدوري المصري.. الأهلي يبتعد بالصدارة والزمالك يتراجع

واختتم: "هيكون في انضباط واللي مش عاجبه يجيبلي عرض، وده كلام أسامة وأمير والمجموعة كلها متفاهمة".