الطريق
الجمعة 29 مارس 2024 03:49 مـ 19 رمضان 1445 هـ
جريدة الطريق
رئيس مجلس الإدارةمدحت حسنين بركات رئيس التحريرمحمد رجب
رئيس مجلس الإدارةمدحت حسنين بركات رئيس التحريرمحمد رجب

فضيحة تسريبات الجبلاية.. مرتضى منصور يهدد اتحاد الكرة: «هتحصل كارثة»

مرتضى منصور ومحمد أبو الوفا
مرتضى منصور ومحمد أبو الوفا

كشف مرتضى منصور رئيس نادي الزمالك، كواليس جلسته مع محمد أبو الوفا ووليد العطار، عضوي الاتحاد المصري لكرة القدم، بشأن أزمة قيد صفقات الفريق الشتوية، في قائمة الأبيض.

وشهدت الأيام الماضية أزمة جديدة لنادي الزمالك، بعدما رفض مجلس إدارة اتحاد الكرة، قيد لاعبين في قائمة الفريق، بسبب عدم تسوية ديون النادي التي وصلت إلى 70 مليون جنيه.

ونشر مرتضى منصور فيديو من اجتماعه مع أعضاء الجبلاية، حيث يستعرض "الطريق" في السطور التالية، ما دار داخل جلسة الجبلاية.

مرتضى منصور: "دلوقتي في وقت للهزار وفي وقت لأ، عايز تتخانق معايا اتخانق معايا أنا، مش مع النادي، عدم قيد الولاد النهاردة هيعمل كارثة".

محمد أبو الوفا: "يا فندم إحنا من أول الشهر، بنقول إن في قرار مجلس إدارة بان الاتحاد مفيهوش فلوس، وكل الاندية استجابت ودفعت في اللي دفع لحد 25%".

مرتضى منصور: "يا باشا ما أنت عارف إن النادي محجوز عليه في 70 مليون، هل تتصور إن أنا هتأخر؟، محجوز على 70 مليون وتقولي هات كاش، أنت عارف إن المخالفة اللي جاتلنا إحنا كنا بنحط الفلوس في الخزنة".

محمد أبو الوفا: "طب ما أنت لسه دافع لأسوان 5 مليون جنيه من نص ساعة، الراجل واقف تحت وهو قريبي أساسًا وقالي والله".

مرتضي منصور: "محصلش، أنا عارف إنه قريبك محصلش يا بيه أخد شيك مش كاش".

محمد أبو الوفا: "أنت جايلي دلوقتي الساعه 11، دا أنا جاي الاتحاد بالصدفة".

مرتضى منصور: "عشان نخلص من الموضوع دا هعملك حل جميل، أصل لازم العيال هتتقيد يعني هتتقيد، أنا هكتبلك جواب دلوقتي، وأنا ليا عند الشركة الراعية 60 مليون، هعملك حوالة حق 10 مليون تصرفهم يوم الأحد، إيه رأيك؟".

وليد العطار: "والله دا رأي المجلس، أنا عندي قرار مجلس وأنا بنفذه".

مرتضى منصور: "متقعدوش تبصولي لبعض، والكلام دا مش همشيه هيتقيدوا يعني هيتقيدوا، واتحملوا المسئولية قدام الناس، هو انتوا عشان اتحاد كرة هتذلونا هي دي تصفية حسابات بيني وبينكم".

مرتضى منصور: "هتحصل مشكلة كبيرة، أكبر من جمال علام 100 مرة، دي جماهير بالملايين أنا بقول أهو العيال دي لو متقيدتش".

محمد الماشطة "مستشار اتحاد الكرة": بص يا مرتضى بيه بعيد عن العصبية، وأي حاجة الموضوع يتحل الأستاذ وليد بيتكلم مع مجلس الإدارة عشان القرار الموجود، لو الفلوس هتتحول يوم الأحد من الشركة الراعية ماشي بس مجلس الإدارة يقول".