بشرى: «أصبحنا عبيد المنصات وزمان المنتج كان إنتاجه من جيبه»
ردت الفنانة بشرى على تصريحات الفنانة نبيلة عبيد، بواسطة ندوة تكريمها في مهرجان أسوان لأفلام المرأة، فيما يخص دور المنتجين بمشوارها الفني، حيث صرحت بأن المنتجين كانوا يقودون المغامرة معها وآمنوا بموهبتها، ومن أجل تقديمها عمل مختلف يكشف موهبتها بشكل أكبر على عكس الوضع الحالي حسبما صرحت.
تعليق بشرى على تصريحات نبيلة عبيد
وفي هذا السياق، قالت بشرى: "دمعت من حزني على حالنا، وشوفت رقى وجمال نبيلة عبيد لما بتحكي عن مشوارها الفني وجماله، وإزاى الناس كانوا مثقفين وعندهم وعى، مش ناس بتحاول تهد الفنان ويضربوه في ضهره زى ما بنشوف".
بشرى: دلوقتي بقينا عبيد المنصات
وأضافت: "زمان المنتج كان إنتاجه من جيبه، لكن دلوقتي إحنا بقينا عبيد للمنصات الرقمية، هنظبط العمل ونخيطه على مقاس اللي هيشتري، نبيلة عبيد زمان اتعاملت مع مخرج أو منتج هو عايز ينتج لـ نبيلة عبيد، بس دلوقتي خلاص بقا مولد وصاحبه غايب".
آخر أعمال الفنانة بشرى
يشار إلى أن فيلم "معالي ماما" عام 2022، هو آخر أعمال بشرى السينمائية، وشاركها البطولة الفنان محمود الليثي، شيماء سيف، نور إيهاب، نور قدري، علاء مرسي، سامي مغاوري، محمد علي رزق، ومن إخراج أحمد نور.
